જન્મતાવેંત નવજાત બાળકીને કાંટાળી ઝાડીમાં ફેંકી દીધી- લોહીથી લથપથ હાલતમાં તડપતી રહી બાળકી

જન્મના ૧૨ જ કલાકમાં માતાએ બાળકીને તરછોડી દેતા, માનવતા મરી પરવારી છે. 12 કલાક સુધી બાળકીને કીડી(Ant)ઓ કરડતી રહી અને તે લોહીથી લથપથ(drenched in blood) પીડાથી રડતી રહી. રડવાનો અવાજ સાંભળીને ત્યાં પહોંચેલા લોકો બાળકીને કંટાળી ઝાડી માંથી બહાર કાઢીને હોસ્પિટલ(Hospital) લઈ ગયા. આ મામલો સામે આવતા લોકોમાં રોષ છલકાયો હતો.

પૂનુસર ગામના રહેવાસી લોકોએ જણાવ્યું કે તેઓ સવારે 7.30 વાગ્યાની આસપાસ ખેતરમાં જઈ રહ્યા હતા. આ દરમિયાન બાળકીના રડવાનો અવાજ સાંભળીને તે ચોંકી ગયા. જ્યારે તેણે કંટાળી ઝાડીઓમાં જોયું, ત્યારે નવી જન્મેલી બાળકી રડતી હતી. તેના શરીર પર કપડું નહોતું. છોકરીને જગ્યાએ જગ્યાએ કીડીઓ કરડતી હતી. શરીરમાં ઘા હતા અને લોહી નીકળતું હતું. તેણે કહ્યું કે છોકરીને કાંટાની ઝાડીઓમાંથી બહાર કાઢીને દૂધ પીવડાવ્યું અને તેને સીએચસી હોસ્પિટલમાં દાખલ કરવામાં આવી હતી.

ચાઈલ્ડ સ્પેશિયાલિસ્ટ ડૉ. ચંદ્રભાન જાંગીડે જણાવ્યું કે ‘બાળકીનો જન્મ 12 કલાકની અંદર થયો હતો. ઘણી જગ્યાએ કાંટાના ઘા થયા છે. છોકરી ઠંડી પડી રહી હતી. બાળકીનું વજન 2 કિલો 100 ગ્રામ છે. બાળકીની હાલત વિશે હજુ કંઈ કહી શકાય તેમ નથી. અત્યારે સારવાર શરૂ થઈ ગઈ છે.

આવું કરનાર સામે કેસ દાખલ કરશે:
ગ્રામ પંચાયત બાયલાના સરપંચ બ્રિજલાલ ઢાકાએ જણાવ્યું હતું કે ‘નવજાત બાળકી હોવાની માહિતી મળી હતી. જે બાદ પોલીસને આ મામલાની જાણ કરવામાં આવી હતી. મામલાની તપાસ થવી જોઈએ. આવું કરનારાઓ સામે કાયદાકીય કાર્યવાહીમાં સંપૂર્ણ સહકાર આપશે. ભવિષ્યમાં ગામમાં આવી ઘટના બનશે તો કેસ નોંધીને કાર્યવાહી કરીશું. પોલીસ સ્ટેશનના SI રામ પ્રસાદ ગોદારાએ જણાવ્યું – બાળકીનો જન્મ થોડા સમય પહેલા જ થયો હતો. તેના શરીર પર લોહી હતું. બાળકી ગામની જ હોવાની શક્યતા પોલીસે વ્યક્ત કરી છે. ટૂંક સમયમાં તેનો ખુલાસો કરશે.