રક્ષક જ બન્યા ભક્ષક: ગેંગરેપની ફરિયાદ કરવા ગયેલી સગીરા પર પોલીસે આચર્યું દુષ્કર્મ

ઉત્તર પ્રદેશ(Uttar Pradesh): રિતેશ દેશમુખે 13 વર્ષની સગીર બાળકી પર બળાત્કારની ઘટના સામે અવાજ ઉઠાવ્યો છે. વાસ્તવમાં, ઉત્તર પ્રદેશના લલિતપુરમાં ચાર લોકોએ એક સગીર સાથે સામૂહિક બળાત્કાર કર્યો, જે પછી તે ફરિયાદ નોંધાવવા પોલીસ સ્ટેશન પહોંચી, તો પોલીસ સ્ટેશનના SHOએ પણ તેની સાથે બળાત્કાર કર્યો. આ મામલે રિતેશે સોશિયલ મીડિયા પર પોસ્ટ કરીને કાર્યવાહીની માંગ કરી છે.

રિતેશની પોસ્ટ
રિતેશે ટ્વીટ કરીને લખ્યું, જો આ સાચું છે તો આનાથી ખરાબ કંઈ ન હોઈ શકે. રક્ષક જ ભક્ષક બની જાય તો સામાન્ય માણસ ન્યાય માંગવા ક્યાં જાય. આવા લોકોને જાહેરમાં ચોકડી પર મારવા જોઈએ. સરકારે જલ્દી કાર્યવાહી કરવી જોઈએ અને સખતમાં સખત સજા આપવી જોઈએ.

શું છે પોલીસ સ્ટેશનમાં બળાત્કારનો સમગ્ર મામલો?
તમને જણાવી દઈએ કે ગેંગરેપની ફરિયાદ કરવા પાલી પોલીસ સ્ટેશન પહોંચેલી 13 વર્ષની છોકરીએ SHO પર બળાત્કારનો આરોપ લગાવ્યો છે. પીડિતાનું નિવેદન નોંધ્યા બાદ એસએચઓ તેને બહાને પોલીસ સ્ટેશનના રૂમમાં લઈ ગયા. ત્યાં તેણે તેના પર બળાત્કાર ગુજાર્યો હતો. આ વાતનો ખુલાસો પીડિતાએ ચાઈલ્ડલાઈન એનજીઓના કાઉન્સેલિંગમાં કર્યો હતો.

આરોપી SHOને જ્યુડિશિયલ કસ્ટડીમાં મોકલવામાં આવ્યો 
SHO તિલકધારી સિંહ સરોજની ધરપકડ કરવામાં આવી છે. આ કેસમાં એડીજે પોસ્કો એક્ટની કોર્ટમાં કેસની સુનાવણી શરૂ થઈ. કોર્ટે આરોપી SHOને 14 દિવસની જ્યુડિશિયલ કસ્ટડીમાં જેલમાં મોકલી આપ્યો છે. અન્ય બે આરોપીઓને પણ જેલમાં મોકલી દેવામાં આવ્યા છે.