ગુજરાતમાં ૨૪ કલાકમાં કોરોનાના ૫ કેસ નોંધાયા- જાણો ક્યા કયા શહેરોમાં આવ્યો COVID-19

ગઈ કાલે સાંજના સમયે ગુજરાતમાં કોરોના વાયરસે એન્ટ્રી કરી છે. ગઈ કાલે ગુજરાતમાં 2 પોઝીટીવ કેસ નોંધાઈ ચુક્યા હતા. સુરત અને રાજકોટમાં એક-એક કેસ નોંધાયા હતા. અત્યારે સુધી ગુજરાતમાંથી 105 શંકાસ્પદોના સેમ્પલ લેવામાં આવ્યા હતા. જેમાંથી પાંચના રિપોર્ટ પોઝિટિવ કેસ પોઝિટિવ આવેલ છે. તમામ દર્દીઓની ઉંમર 35 થી 36 વર્ષ, જે રાહતની વાત છે. સ્પેનથી વડોદરા આવેલા વ્યક્તિનો કેસ પોઝિટિવ આવ્યો છે જયારે અમદાવાદમાં 2 વ્યક્તિના કેસ પોઝિટિવ આવ્યા છે. તમામ દર્દીઓ હાલમાં દેખરેખ હેઠળ છે. આ તમામ અસરગ્રસ્તો વિદેશથી આવેલા છે.

ગુજરાતમાં પણ કોરોનાનો પગપેસારો થઇ ગયો છે. રાજ્યમાં કોરોના પોઝિટિવના કુલ પાંચ કેસ નોધાયા હોવાની ગુજરાતના આરોગ્ય અગ્ર સચિવ જયંતિ રવિએ આજે આ અંગે જાહેરાત કરી છે. તેમણે જણાવ્યું છેકે, અમદાવાદમાં બે, વડોદરા, સુરત અને રાજકોટમાં એક-એક કોરોના પોઝિટિવના કેસ નોંધાયા છે. આ પહેલા આરોગ્ય મંત્રી નીતિન પટેલે જણાવ્યું છેકે, ગુજરાતમાં કેટલાક પોઝિટિવ કેસ હોવાની આશંકા છે. અમદાવાદ-વડોદરામાં ત્રણ કેસ કોરોના શંકાસ્પદ છે.

ગુજરાતમાં કોરોનાના પોઝિટિવ કેસ અંગે જયંતિ રવિ જણાવ્યું છેકે, કોરોના પોઝિટિવ દર્દીઓની સ્થિતિ સ્થિર છે. આ તમામ અસરગ્રસ્તો વિદેશથી આવેલા છે. 105 શંકાસ્પદોના સેમ્પલ લેવામાં આવ્યા હતા. જેમાંથી પાંચના રિપોર્ટ પોઝિટિવ આવ્યા છે, હજુ 22ના રિપોર્ટ આવવાના બાકી છે.