પોલીસ ભરતી 2022: 5.3 લાખથી વધુ જગ્યાઓ ખાલી- જલ્દી અહિયાં ક્લિક કરી કરાવી લો રજીસ્ટ્રેશન

પોલીસ ભરતી 2022(Police Recruitment 2022): રાજ્ય પોલીસ દળોમાં પોલીસ કર્મચારીઓની 5.30 લાખથી વધુ જગ્યાઓ ખાલી છે. ગૃહ મંત્રાલયની સંસદીય સ્થાયી સમિતિએ ગુરુવારે સંસદમાં રજૂ કરેલા તેના અહેવાલમાં આ માહિતી આપી છે. આ ખાલી જગ્યાઓ કુલ મંજૂર સંખ્યા કરતા 21 ટકા ઓછી છે.

કોંગ્રેસના નેતા આનંદ શર્માની આગેવાની હેઠળની સમિતિએ જણાવ્યું હતું કે 01 જાન્યુઆરી, 2020 સુધીમાં રાજ્ય પોલીસ દળોમાં 5,31,737 જગ્યાઓ ખાલી હતી, જેની મંજૂર સંખ્યા 26,23,225 હતી, જે લગભગ 21 ટકાની અછત હતી. આમાંની મોટાભાગની જગ્યાઓ કોન્સ્ટેબલ રેન્કની છે.

અહેવાલમાં જણાવાયું છે કે, “દેશમાં અપરાધ અને સુરક્ષા પરિદ્રશ્યને ધ્યાનમાં રાખીને આ ઇચ્છનીય આંકડો નથી. સમિતિનું માનવું છે કે સ્ટાફની અછત પોલીસની કાર્યક્ષમતા પર સીધી અસર કરે છે.” પેનલે કહ્યું કે, હાલના કર્મચારીઓ પર કામનું ભારણ વધે છે, જે તેમને ઓવરટાઇમ કરવા માટે મજબૂર કરે છે. પોલીસ કર્મચારીઓ તેમનો મોટાભાગનો સમય તણાવપૂર્ણ અને મુશ્કેલ પરિસ્થિતિઓમાં વિતાવે છે. તેનાથી સ્ટ્રેસ લેવલ વધે છે અને પોલીસની ફરજ બજાવવાની કામગીરી પર પણ અસર પડે છે.

તેથી સમિતિએ ભલામણ કરી છે કે, મંત્રાલય રાજ્યો અને કેન્દ્રશાસિત પ્રદેશોને પોલીસ ભરતી અભિયાન મિશન મોડમાં હાથ ધરવા અને પોલીસ કર્મચારીઓની ભરતી માટે વહીવટી અવરોધોને સમયબદ્ધ રીતે દૂર કરવા સલાહ આપી શકે.