સુરતમાં ઠેરઠેર ચાલતા જુગારધામ પર એકસાથે ત્રાટકી પોલીસ અને લાખોના મુદ્દામાલ સાથે 50 જુગારીઓને ઝડપી પડ્યા

સુરત(ગુજરાત): ગુજરાત(Gujarat)માંથી અવારનવાર જુગારધામ(Gambling den) પકડતા હોય છે. તેવામાં સુરત શહેર(Surat city)ના હજીરા(Hazira), પાંડેસરા(Pandesara), કતારગામ(Katargam), મહિધરપુરા(Mahidharpura), ઉધના(Udhana) અને ગોદાડરા(Godadara)માં જુગાર રમતા 50 વ્યક્તિઓની પોલીસે ધડપકડ કરીને કાયદેસરની કાર્યવાહી શરુ કરી હતી. પોલીસે(Police) જુગારીઓ પાસેથી કુલ 3.6 લાખ રૂપિયાનો મુદ્દામાલ જપ્ત કર્યો હતો.

હજીરા પોલીસના જણાવ્યા અનુસાર, મોરાગામ બાગવાળી શેરી જગુ ગુલાબની કોલોની સામે ખુલ્લામાં જુગાર રમતા 3 જુગારીઓની કુલ 16360 રૂપિયા અને જુગારના સાધનો સાથે ધડપકડ કરી હતી. જ્યારે મોરાગામ ધનશ્યામ પાર્ક સોસાયટીમાં જાહેરમા જુગાર રમતા 11 વ્યક્તિની રોકડા રૂપિયા 1250 તથા અંગ ઝડતીના રોકડા રૂપિયા 13450 તથા 5 મોબાઇલની કિંમત રૂપિયા 29200 મળી કુલ રૂપિયા 49800 ના માલ સાથે અટકાયત કરવામાં આવી હતી.

પાંડેસરા પોલીસે કહ્યું હતું કે, આશાપુરી સોસાયટીના-2 મકાન નં.34ના ઓટલા ઉપર ભેગા મળીને રમતા તમામ વ્યક્તિઓની કુલ રોકડા રૂ. 8720 તથા દાવ પરના રોકડા રૂપીયા 1500 મળીને અને જે વ્યક્તિઓની અંગઝડતીના તથા દાવ ઉપરના સાથે મળી કુલ રોકડા રૂપિયા 10220 નો મુદ્દામાલ સાથે જુગાર રમતા જુગારીઓની અટકાયત કરવામાં આવી હતી.

આ ઉપરાંત કતારગામ પોલીસે કહ્યું હતું કે, ગોટાલાવાડી ખુલ્લા પોપડામાં જુગાર રમતા 6 વ્યક્તિની રોકડા રૂપિયા 17500 તથા દાવ ઉપરના રોકડા રૂપિયા 900, છુટા છવાયા ગંજી-પાના નંગ-૫ર તથા અલગ અલગ કંપનીના મોબાઈલ ફોન નં-6 જેની કિમત રૂપિયા 53000 મળી કુલ રૂપિયા 71400 ના માલ સાથે ધડપકડ કરવામાં આવી હતી. ત્યારબાદ કતારગામ શ્રધ્ધા સોસાયટી મકાન નં ૫૩ ની ગેલેરીમાં જુગાર રમતા 7 વ્યક્તિની રોકડા રૂપિયા 15500 તથા દાવ ઉપરના રોકડા રૂપિયા 600 તથા છુટા છવાયા ગંજી-પાના નંગ-પર તથા અલગ અલગ કંપનીના મોબાઈલ ફોન નં-6 જેની કિમત રૂપિયા 31600 મળી કુલ રૂપિયા 47600 ના માલ સાથે તેમની અટકાયત કરવામાં આવી હતી.