ગુજરાત: પપ્પાના ખોળામાં સુતેલી 6 વર્ષની માસુમ બાળકીને નરાધમે ઉપાડી જઈ દુષ્કર્મ આચર્યું

કોરોનાના કહેર વચ્ચે રાજકોટમાં વધુ એક વખત 6 વર્ષની નાની બાળકી પર દુષ્કર્મની ઘટના સામે આવી છે. રાજકોટનાં જેતપુરના નવાગઢ વિસ્તારમાં પરિવારજનો સાથે સૂતેલી 6 વર્ષની બાળકીને ઉઠાવી જઈને હેવાન બનેલાં યુવકે દુષ્કર્મ આચર્યું હતું. બાળકીની ચીસો સાંભળી લોકો દોડી આવતાં નરાધમ ભાગી ગયો હતો. પણ C.C.T.V. કેમારામાં આ નરાધમ કેદ થઈ ગયો હતો. C.C.T.V. કેમેરાના આધારે પોલીસે નરાધમને શોધી કાઢવા ચક્રો ગતિમાન કર્યાં છે.

જેતપુરના નવાગઢ વિસ્તારમાં ગરમીને કારણે નવાગઢ મુસ્લિમ ફકીર ભિક્ષુક પરિવાર પોતાની બે દીકરીઓ સાથે ભર નિંદ્રામાં સુતા હતો. ત્યારે પોતાના માતા-પિતાના ખોળામાં સૂતેલી 6 વર્ષ નાની બાળકીને એક નરાધમ યુવાન ઉઠાવીને લઈ ગયો હતો. અને નરાધમ હેવાને બાળકીને બાજુના ખંઢેર ગ્રાઉન્ડમાં જ લઈ જઈને પીંખી નાખી હતી. આ સમયે હવસખોરની હેવાનિયતનો શિકાર બનેલ બાળકી દર્દભરી ચીસો પાડતી હતી. જેને સાંભળીને કેટલાક લોકો જાગી ગયા હતા. જે બાદ હેવાન યુવક બાળકીને બનાવના સ્થળે જ છોડીને ફરાર થઈ ગયો હતો.