કોલેજના પ્રથમ વર્ષમાં અભ્યાસ કરતા વિદ્યાર્થીએ કલાસરૂમમાં ગળેફાંસો ખાઈ ટુંકાવ્યું જીવન- જાણો ક્યાં બની હિચકારી ઘટના

હૈદરાબાદ(Hyderabad): મંગળવારે કોલેજના પ્રથમ વર્ષના વિદ્યાર્થીએ વર્ગમાં જ આપઘાત કરી લીધો છે. તે કોલેજની હોસ્ટેલમાં જ રહેતો હતો. વિદ્યાર્થીના પિતાએ આરોપ લગાવ્યો છે કે, પરીક્ષામાં ઓછા માર્ક્સ આવવા માટે તેના શિક્ષક અને વોર્ડન તેને ટોર્ચર કરતા હતા અને ઢોરમાર મારતા હતા. મંગળવારે રાત્રે 10 વાગ્યાની આસપાસ તેનો પુત્ર તેના ક્લાસ રૂમમાં ગયો હતો અને ત્યાં તેણે આપઘાત કરી લીધો.

પોલીસે જણાવ્યું કે, મૃતકની ઓળખ સાત્વિક તરીકે થઈ છે. જે શ્રી ચૈતન્ય જુનિયર કોલેજ નરસિંઘીમાં અભ્યાસ કરતો ઇન્ટરમીડિયેટ વિદ્યાર્થી છે. તે કોલેજની હોસ્ટેલમાં જ રહેતો હતો. તેના પિતાએ પોલીસને જણાવ્યું કે, શિક્ષકો હંમેશા સાત્વિકને ટોર્ચર કરતા હતા અને ઢોરમાર મારતા હતા. જેના કારણે તે ખૂબ જ ડિપ્રેશનમાં હતો.

તેના પિતાએ પોલીસને વધુમાં જણાવતા કહ્યું, તે 28 ફેબ્રુઆરીએ તેને મળવા ગયા હતા. તેને ચામડીનો રોગ હતો, તેથી તેના માટે દવા પણ લીધી હતી. જ્યારે તે તેને મળ્યા ત્યારે તેણે કહ્યું કે, હોસ્ટેલનું ભોજન સારું નથી. તેના શિક્ષકો, વોર્ડન તેને ઠપકો આપતા રહે છે અને મારતા રહે છે. તે અહીં ભણવા માંગતો નથી. તેણે દીકરાને ભણવામાં ધ્યાન આપવા કહ્યું અને ઘરે આવતા રહ્યા. તે જ દિવસે તેમને તેમના પુત્રએ આપઘાત કર્યો હોવાની માહિતી મળી.