પોલીસ અધિકારીએ રેલ્વે સ્ટેશન પર ગીટાર વગાડી ગાયું ગીત: જુઓ વિડીયો

કોરોના વાયરસનો કહેર હાલમાં દેશભરમાં ચાલી રહ્યો છે. આ મહામારી સામે લડવામાં સરકાર પણ જોડાઈ છે. પોલીસ અધિકારી અને ડોકટરો પણ દિવસ રાત એક કરી લડી રહ્યા છે. આ સમયે જમ્મુના રેલ્વે સ્ટેશન પરનો એક વિડીયો વાયરલ થઇ રહ્યો છે. જેમાં એક પોલીસ અધિકારી ગીટાર વગાડી ગીત ગાઈ રહ્યા છે.

જમ્મુ તાવીના રેલ્વે સ્ટેશન પર ફરજમાં રહેલો એક યુવાન પોલીસ અધિકારી ટ્રેનની રાહ જોઈ રહેલા મુસાફરો માટે ગીત ગાઈ રહ્યો છે. ગીટાર વગાડતા પોલીસ જવાન ગુલાબી આંખે જો તેરી દેખી, ગીત ગાઈ રહ્યો છે.

આ વિડીયોને મુકેશ સિંહના ટ્વીટર પર પોસ્ટ કરવામાં આવ્યો છે. વીડિયોમાં ચોખ્ખું દેખાઈ રહ્યું છે કે લોકો સ્ટેશન પર લાઈનમાં ઊભા છે અને અધિકારી તેમના માટે ગિટાર વગાડી ગીત સંભળાવી રહ્યો છે.

મુકેશ સિંહ ટ્વીટમાં લખ્યું છે કે ગિટાર લઈને ગીત ગાના પોલીસ અધિકારી જમ્મુ ઇસ્ટ રેલવે સ્ટેશનના અધિકારી છે. મહત્વની વાત તો એ છે કે ગીત ગાતી વખતે પણ પોલીસ અધિકારીએ તેમના મોઢા પર માસ્ક પહેરેલું છે.