રસીકરણમાં પોલમપોલ કરતા તંત્રએ ચાર મહિના પહેલા મૃત્યુ પામેલા વ્યક્તિને સ્વર્ગમાં જઈને આપ્યો રસીનો બીજો ડોઝ

સમગ્ર દેશમાં કોરોનાની સ્થિતિએ હાહાકાર મચાવ્યો છે ત્યારે આવા સમયમાં પરિસ્થિતિ સંપૂર્ણ પણે બેકાબુ બની ગઈ હતી. કોરોનાની બીજી લહેરને કારણે કેટલાય લોકો મોતને ભેટી ચુક્યા છે અને કેટલાય લોકો પુરતી સારવાર અને નિદાનની અપૂરતી સુવિધાના કારણે લોકો આર્થિક અને માનસિક રીતે ભાંગી પડ્યા છે. ત્યારે દેશભરના લોકોને કોરોનાના સંક્રમણથી બચવા માટે દેશભરમાં રસીકરણ ચાલી રહ્યું છે.

દેશની જનતા કોરોનાના સંક્રમણનો શિકાર ન બને તે માટે રસી લેવા માટે મોટી મોટી લાઈનોમાં ઉભી રહેલી જોવા મળી રહી છે. દેશમાં ઘણા લોકોએ રસી લઇ લીધી છે તો કેટલાય લોકોને રસી લેવાની બાકી છે. જયારે આગામી સમયમાં રસીકરણ અભિયાન હેઠળ ઘણા લોકો રસી લેશે. રસી લેવા માટે ઘણી સામાજિક સંસ્થાઓ, ધાર્મિક સંસ્થાઓ લોકોને રસી લેવા માટે અપીલ કરી રહી છે.

ત્યારે આ સમય દરમિયાન અનોખા કિસ્સાઓ સામે આવે છે અને આપણે સૌ આ કિસ્સાથી વાકેફ છીએ કે મૃત્યુ પામેલા લોકોના નામ પર વેક્સીન લીધી હોય તેવા મેસેજ આવે છે. ત્યારે આ પહેલા અનેક કિસ્સાઓ સામે અવી ગયા છે કે દસ વર્ષ પહેલા મૃત્યુ પામેલા વૃદ્ધાને રસી આપી દેવામાં આવી છે. તમે જ કહો કે શું આ શક્ય બને? આવી માત્ર એક બે ઘટનાઓ નહિ પરંતુ અનેક ઘટનાઓ સામે આવી છે જેમાં મૃતક લોકોને સરકાર દ્વારા રસી આપી દેવામાં આવે છે. આ પરથી કહી શકાય કે, સરકારની પોલ ખુલી રહી છે અને લાપરવાહી સામે આવી રહી છે.