વ્યાજખોરોના ત્રાસથી ભાવનગરના રઘુભાઈએ ટુંકાવ્યું જીવન- સુસાઇડ નોટમાં લખ્યું હતું કે…

ભાવનગર(ગુજરાત): વ્યાજખોરોને આતંક દિવસેને દિવસે વધી રહ્યો છે. ભાવનગર શહેરના ઘોઘા જકાતનાકા વિસ્તારમાં રહેતા આધેડએ દોઢ લાખ રૂપિયા વ્યાજે લીધાં હતા. જે ભરપાઈ કર્યાં પછી પણ વ્યાજ સહિત 40 લાખની માંગણી કરવામાં આવી હતી. વહેલી સવારે તેના ત્રાસને કારણે આધેડે ઝેરી દવા પી આપઘાત કરી લીધો હતો.

આજે વહેલી સવારે 5 વાગ્યે ઘોઘો જકાતનાકા વિસ્તારમાં રહેતા અને મજુરી કામ કરતા રઘુભાઈ રામજીભાઈ ડુમરાળિયાએ પોતાના ઘરે ઝેરી દવા પી આપઘાત કરી લીધો હતો. તેને કારણે તેમને સારવાર માટે સર ટી. હોસ્પિટલમાં લાવવામાં આવ્યા હતા. જેમનું સવારે 8.30 કલાકે સારવાર દરમિયાન મોત થયું હતું. તેમના ઘરેથી સુસાઈડ મળી આવી છે જેમાં તેમને લખ્યું છે કે, રઘુભાઈએ વ્યાજખોરોએ ત્રાસ આપી, વ્યાજની પઠાણી ઉઘરાણી કરી મરવા મજબુર કર્યો હતો.

સુસાઈડ નોટમાં જણાવ્યા અનુસાર, માનસિંહ હેમંતસિંહ વાળા પાસેથી તેમણે દોઢ લાખ વ્યાજે લીધાં હતા. જેના વ્યાજ સહિત ચાલીસ લાખની માંગણી શારિરીક માનસિક ત્રાસ અને ધમકી આપી માનસિંહ હેમંતસિંહ વાળા અને નિકુલસિંહ હતુભા સરવૈયાએ તેમને મરવા મજબુર કર્યાં હોવાનો ખુલાસો કર્યો છે. તેમના પરિવારજનો તરફથી જાણવા મળતી માહિતી અનુસાર, છેલ્લા 10 વર્ષથી વ્યાજખોરો તેમને ત્રાસ આપતા હતા.