સૌરાષ્ટ્રમાં વહેલી તકે વીજ પુરવઠો શરૂ કરવા દક્ષિણ ગુજરાતના વિજકર્મીઓ થયા રવાના

હાલમાં જ ગુજરાત પર તાઉતે વાવાઝોડા રૂપે એક મોટું સંકટ આવ્યું હતું. આ તાઉતે વાવાઝોડાને કારણે ગુજરાતના ઘણા ખરા ગામડાઓ ખુબ જ નુકસાન થયું છે. ખેડૂતોને ત્રણ-ચાર પ્રકારનું ખુબ નુકસાન થયું છે. તેમજ ઉનાળુ પાકને ભારે અસર થઈ છે. જ્યારે સૌથી વધુ કેરી અને નાળિયેરના પાકને પણ નુકસાન થયું છે. કેટલાક લોકોના કાચા મકાનો અને ઝુપડા પણ ઉડી ગયા છે. સમગ્ર ગુજરાત રાજ્યમાં કુલ 69,429 વીજ થાંભલા તૂટી ગયા છે જેને કારણે  વિજ પુરવઠો ઠપ થઇ ચુક્યો છે. ત્યારે આ વીજ પુરવઠાને યુધ્ધના ધોરણે વીજ પુરવઠો સફળતાપૂર્વક પુનઃસ્થાપિત થાય એટલા માટે ૪૦૦ જેટલા વીજ કર્મીઓ સૌરાષ્ટ્ર બાજુ રવાના થઈ ચુક્યા છે.

દક્ષિણ ગુજરાત વીજ કંપની (DGVCL) દ્વારા પશ્ચિમ ગુજરાત વીજ કંપનીના (PGVCL) અસરગ્રસ્ત વિસ્તારોમાં વીજ પુરવઠો હંગામી ધોરણે પુનઃસ્થાપિત થઇ શકે એ માટે હજીરાથી રો રો ફેરી દ્વારા ખાસ ટીમો ઘોઘા-ભાવનગર માટે રવાના થઇ ચુકી છે.

હાલમાં જ ત્રાટકેલા તાઉતે વાવાઝોડાને કારણે રાજ્યના કેટલાય વિસ્તારની સાથે દક્ષિણ ગુજરાત વીજ કંપનીના (DGVCL) વિસ્તારમાં પણ વીજ પુરવઠો ઠપ થયો હતો. જેને લીધે વીજ કર્મીઓએ રાત દિવસ એક કરીને હંગામી ધોરણે વીજ પુરવઠો સફળતાપૂર્વક પુન:શરુ કરી રહ્યા છે.

આ ઉપરાંત દક્ષિણ ગુજરાત વીજ કંપની (DGVCL) દ્વારા પશ્ચિમ ગુજરાત વીજ કંપનીના (PGVCL) અસરગ્રસ્ત વિસ્તારોમાં પણ વીજ પુરવઠો તાત્કાલિક ધોરણે પુન:શરુ થઇ શકે તે માટે હજીરાથી રો-રો ફેરી દ્વારા ૪૦૦ જેટલા વીજ કર્મીઓનો સમાવેશ કરતી આ ખાસ ૩૦  ટીમો જરૂરી સાધન સરંજામ સાથે ૪૦ વાહનો અને પોલ ઇરેક્શન મશીનથી સજ્જ થઈને ઘોઘા- ભાવનગર ખાતે રવાના થઇ ચુકી છે. આ ખાસ ટીમોમાં દક્ષિણ ગુજરાત વીજ કંપની(DGVCL) ના ઇજનેરો અને લાઇન સ્ટાફના કર્મચારીઓ તથા કોન્ટ્રાક્ટ આધારિત કર્મચારીઓનો પણ સમાવેશ થાય છે.