પાઇપમાંથી પાણીની જગ્યાએ નીકળ્યા લાખો રૂપિયા- આ વિડીયો જોઇને ધોળે દિવસે આવી જશે અંધારા

કર્ણાટક(Karnataka) એન્ટી કરપ્શન બ્યુરો (ACB) એ કલબુર્ગીમાં PWDના જુનિયર એન્જિનિયર(Junior Engineer)ના ઘરે દરોડો પાડ્યો અને 54 લાખ રૂપિયાની રોકડ રિકવર કરી. એન્જિનિયરે તેમાંથી 13 લાખ રૂપિયા તેના ઘરની ડ્રેનેજ પાઇપમાં છુપાવી દીધા હતા. જ્યારે એસીબીની ટીમે પાઇપમાં લોખંડનો લાંબો સળીયો નાખ્યો તો પૈસાના બંડલો નીકળવા લાગ્યા. અધિકારીઓએ ડોલ નાખીને પૈસા ભેગા કરવા પડ્યા હતા.

પાણીની પાઇપ માં છુપાવ્યા હતા લાખો રૂપિયા, રેડ દરમિયાન અધિકારીઓ ની આંખો ફાટી રહી #raid #karnatak #trishulnews #topnewstoday #viralnews #like #media #trending #newspaper #update #dailynews #newsupdate pic.twitter.com/YvpbGow8w8

— Trishul News (@TrishulNews) November 25, 2021

આપને જણાવી દઈએ કે, કર્ણાટકની રાજધાની બેંગલુરુ સહિત ઘણા જિલ્લાઓમાં અપ્રમાણસર સંપત્તિના મામલામાં મોટી કાર્યવાહી કરતા ACBએ બુધવારે સરકારી અધિકારીઓના લગભગ 68 સ્થળો પર દરોડા પાડ્યા હતા. એસીબીના લગભગ 400 અધિકારીઓએ બેંગલુરુ, મેંગ્લોર, મંડ્યા અને બેલ્લારીમાં વિવિધ વિભાગોના 15 અધિકારીઓના સ્થળોની તપાસ કરી હતી.

કૃષિ વિભાગના અધિકારીના ઘરેથી 7 કિલો સોનું મળી આવ્યું હતું:
એસીબીના સૂત્રોએ જણાવ્યું હતું કે ,દરોડા દરમિયાન મિલકતના કાગળો, મોટા પ્રમાણમાં સોના-ચાંદીના દાગીના, રોકડ અને રોકાણના કાગળો મળી આવ્યા હતા. તેમણે કહ્યું કે ગડગ કૃષિ વિભાગના સંયુક્ત નિયામક ટીએસ રૂદ્રેશપ્પાના ઘરેથી 7 કિલો સોનું અને 15 લાખ રૂપિયાની રોકડ મળી આવી છે.