NASA એ કર્યો મોટો ખુલાસો: દુનિયા પર તોળાઈ રહ્યું છે મોટું જોખમ, 9 વર્ષ પછી પહેલી વખત…

નાસાના નવા સ્ટડી મુજબ, હંમેશાથી ચંદ્ર સમુદ્રના મોજા પર અસર કરતો હોય છે અને ચંદ્ર પોતાની કક્ષામાં જરા પણ ફેરફાર કરે તો ધરતીના અનેક કાંઠા વિસ્તારોમાં પૂરનું જોખમ રહે છે. ગય મહિને નાસાનો આ સ્ટડી નેચર ક્લાઈમેટ ચેન્જમાં પ્રકાશિત થયો છે.

નાસાના સ્ટડી મુજબ, વર્ષોવર્ષ ચંદ્રનું ખેચાણ અને દબાણ સંતુલન જાળવી રાખે છે પરંતુ તે પોતાની જગ્યામાં 18.6 વર્ષમાં મામૂલી ફેરફાર કરે છે. આ દરમિયાન ચંદ્ર અડધો સમય ધરતીની લહેરોને દબાવે છે, પરંતુ અડધો સમય ધરતીની લહેરોને વધારે કરે છે અને તેમની ઊંચાઈ વધારી દે છે. જે ખુબ જ ખતરનાક છે.

વધુમાં નાસાએ જણાવ્યું હતું કે, ચંદ્રના 18.6 વર્ષના ચક્રનો અડધો ભાગ શરૂ થવાનો છે. જે ધરતીની લહેરોને તેજ કરશે. આગામી 9 વર્ષમાં એટલે કે, 2030 સુધીમાં વૈશ્વિક સમુદ્રી જળસ્તર ખુબ વધી ગયું હશે અને તેના કારણે દુનિયાના અનેક દેશોમાં નીચાણવાળા વિસ્તારોમાં પૂર આવી શકે છે.

નેશનલ ઓશિએનિક એન્ડ એટમોસ્ફિયરિક એડમિનિસ્ટ્રેશનના જણાવ્યાં મુજબ, વર્ષ 1880થી અત્યાર સુધીમાં સમુદ્રી જળસ્તર 8થી 9 ઈંચ વધી ચૂક્યું છે. તેમાંથી એક તૃતિયાંશ એટલે કે, લગભગ 3 ઈંચ વધારો તો છેલ્લા 25 વર્ષમાં થયો છે. અહેવાલ મુજબ, વર્ષ 2100 સુધીમાં સમુદ્રી જળસ્તર 12 ઈંચથી 8.2 ઈંચ સુધી વધી શકે છે. જે દુનિયા માટે ખુબ જોખમી સાબિત થશે.