પંજાબ બાદ ઉત્તર પ્રદેશમાં પણ કરશે કોંગ્રેસનો પ્રચાર- વિરોધીઓને ફરીવાર હેલીકોપ્ટરમાં જોવા મળશે હાર્દિક પટેલ

કોંગ્રેસે(Congress) ઉત્તર પ્રદેશ વિધાનસભા ચૂંટણી(UP Assembly Elections) માટે પોતાના સ્ટાર પ્રચારકોની યાદી જાહેર કરી છે. જે પ્રથમ તબક્કામાં પાર્ટી માટે પ્રચાર કરશે. આ યાદીમાં 30 નેતાઓના નામ સામેલ છે. જેમાં પાર્ટી ચીફ સોનિયા ગાંધી(Sonia Gandhi), પૂર્વ વડાપ્રધાન મનમોહન સિંહ(Manmohan Singh), રાહુલ ગાંધી(Rahul Gandhi) અને પ્રિયંકા ગાંધી(Priyanka Gandhi)ના નામ પણ સામેલ છે.

જેમાં કન્હૈયા કુમાર અને હાર્દિક પટેલનો પણ સમાવેશ થાય છે
કોંગ્રેસે તેના તમામ મોટા નેતાઓને યુપીમાં પ્રચાર માટે ઉતારવાની યોજના બનાવી છે. જેમાં રાજસ્થાનના સીએમ અશોક ગેહલોત અને સચિન પાયલટ જેવા નામ સામેલ છે. આ સાથે પાર્ટીથી નારાજ ગુલામ નબી આઝાદનું નામ પણ આ યાદીમાં સામેલ છે. આ સિવાય પાર્ટીએ આ સ્ટાર પ્રચારક લિસ્ટમાં હાર્દિક પટેલ અને કન્હૈયા કુમારની જોડીને પણ સ્થાન આપ્યું છે.

યાદીમાં કોના નામ છે?
આ લોકો સિવાય કોંગ્રેસ પ્રદેશ અધ્યક્ષ અજય કુમાર લલ્લુ, આરાધના મિશ્રા, ભૂપેન્દ્ર હુડ્ડા, ભૂપેશ બઘેલ, સલમાન ખુર્શીદ, રાજ બબ્બર, પ્રમોદ તિવારી, પીએલ પુનિયા, આરપીએન સિંહ, પ્રતિપ જૈન આદિત્ય, નસીમુદ્દીન સિદ્દીકી, આચાર્ય પ્રમોદ ક્રિષ્નમ, દીપેન્દ્રના નામ છે. હુડ્ડા, વર્ષા ગાયકવાડ, ફૂલો દેવી નેતામ, સુપ્રિયા શ્રીન્તે, ઈમરાન પ્રતાપગઢી, પ્રણિતી શિંદે, ધીરજ ગુર્જર, રોહિત ચૌધરી અને તૌકીર આલમનો સમાવેશ થાય છે.