Trishul News ની ખબરના પડ્યા પડઘા- શિક્ષણમંત્રીએ પરીક્ષા મોકુફ રાખવાની કરી જાહેરાત, વિદ્યાર્થીઓની જીત

હાલમાં કોરોનાં વાઈરસના કારણે શાળા-કોલેજ બંધ છે. જેના કારણે પરીક્ષા પણ મુલતવી રાખવામાં આવી હતી. ત્યારે ગુજરાતના શિક્ષણમંત્રી ભુપેન્દ્રસિંહ ચુડાસમાએ આજે સવારે પત્રકાર પરિષદ યોજીને જણાવ્યું હતુ કે, આવતીકાલથી GTUની પરીક્ષા શરૂ થશે. તમામ યુનિવર્સિટીની રાબેતા મુજબ પરીક્ષા લેવાશે.

આજે મળેલી કેબિનેટની બેઠકમાં રાજ્યમાં તમામ યુનિવસિર્ટીમાં અંતિમ વર્ષની પરીક્ષા યોજવાનો નિર્ણય લેવાયો હતો. જે બાબતે વિદ્યાર્થીઓ એ રોષ વ્યક્ત કર્યો હતો અને આ બાબતે ત્રિશુલ ન્યુઝ સતત વિદ્યાર્થીઓની પડખે ઉભું રહ્યું હતું. સતત અહેવાલોને કારને હવે શીક્ષણમંત્રી એ પોતાનો નિર્ણય પલટાવ્યો છે.

કેન્દ્રના સચિવ દ્વારા આપાયેલી સુચનાનો હવાલો આપીને મંત્રી ચુડાસમા એ પરીક્ષાઓ મુલતવી રખાયેલ છે ની જાહેરાત કરી હતી.

બે કલાક અગાઉ શિક્ષણમંત્રી ભૂપેન્દ્રસિંહ ચુડાસમાએ પરીક્ષા યોજવાની જાહેરાત કરી હતી. ઉલ્લેખનીય છે કે, કોરોનાના કપરાં કાળમાં આવતી કાલથી ગુજરાત ટેક્નોલોજીક યુનિવર્સિટીની પરીક્ષા યોજાવાની છે. GTU સહિતની પરીક્ષાઓ હવે ફરીવાર મુલતવી રખાઈ છે. આ બાબતે શિક્ષણ મંત્રીએ જાહેરાત કરી છે.