અમદાવાદમાં ફરી એક વાર સ્ટંટ કરતો વિડીયો થયો વાઈરલ, સ્કૂલ પાસે યુવકે ખુલ્લી જીપમાં કર્યો સ્ટંટ

અમદાવાદ(ગુજરાત): છેલ્લા કેટલાક સમય ગુજરાતમાંથી જન્મ દિવસની અલગ અલગ રીતે ઉજવણી કરીને વીડિયો વાયરલ કરવાનો જાણે કે એક ટ્રેન્ડ શરૂ થયો હોય તેવું લાગી રહ્યું છે. ક્યારેક તલવાર વડે કેક કાપીને કે ક્યારેક ફાયરિંગ કરીને ઉજવણીના અનેક વીડિયો વાયરલ થઈ રહ્યા હતા.

જોકે, તાજેતરમાં સ્વાતંત્રતા દિવસે અમદાવાદ શહેરના નિકોલ વિસ્તારમાં એક યુવકનો જીપના બોનેટ ઉપર ઊભાર રહીને સ્ટંટ કરતો હોય તેવો વીડિયો સોશિયલ મીડિયા પર વાયરલ થઇ રહ્યો છે. ભારતનો ધ્વજ પણ આ વીડિયોમાં જીપ ઉપર લહેરાતો જોવા મળી રહ્યો છે. જો કે વીડિયો વાયરલ થયા બાદ પોલીસે કાર્યવાહી હાથ ધરી છે.

સોશિયલ મીડિયા પર ગઇકાલે એક જીપ કારમાં સ્ટંટ કરતો વીડિયો વાયરલ થયો હતો. જો કે આ વીડિયો નિકોલ વિસ્તારનો હોવાનું સામે આવ્યું છે. આ વીડિયો નિકોલમાં આવેલ દેવસ્ય સ્કૂલ રોડ પરનો હોવાનુ જાણવા મળી રહ્યું છે. જો કે વીડિયો બનાવનાર વ્યક્તિએ કાયદાનું ઉલ્ઘન કરતો હોય તે રીતે વીડિયો બનાવ્યો છે.