ભારતીય વિદ્યાર્થીએ બનાવ્યુ એવું મશીન જેને AC સાથે મુકવાથી થશે કોરોના વાયરસનો ખાત્મો

દુનિયાભરમાં કોરોનાવાયરસ આગની જેમ ફેલાઈ રહ્યો છે. આપણે અજાણી જગ્યાઓને સ્પર્શતા પહેલા સો વખત વિચાર કરીએ છીએ. આપણે ખાવા-પીવામાં પણ સાવધાની રાખીએ છીએ. અને રિસર્ચર્સ દાવો કરે છે કે કોરોનાવાયરસ હવામાંથી ફેલાય છે.

જોકે ભારતની લવલી પ્રોફેશનલ યુનિવર્સિટીના સંશોધકોએ એસી ની મદદથી હવામાં જ કોરોનાવાયરસને મારવા માટેનું એક ઉપકરણ બનાવ્યું છે. આ ઉપકરણ અલ્ટ્રાવાયોલેટ ટ્યુબનો ઉપયોગ કરીને બનાવવામાં આવ્યું છે. જે વિશેષ તરંગલંબાઈ વાળા કિરણોનું ઉત્સર્જન કરે છે અને હવામાં રહેલા કોરોનાવાયરસને મારી નાખે છે.

ડિવાઇસને શરૂ થવા માટે વધારે સમય નથી લાગતો એસી પાસે લાઈટ કરે ત્યારે ચાલુ થઈ અને કાર્યરત થાય છે. અંદર એવા ઇન્ડિકેટર મુકેલા છે જે બતાવે છે કે ક્યારે ટ્યુબને બદલવાની જરૂર છે.

આ ડિવાઇસની બનાવટ Lovely Professional University યુનિવર્સિટીના બીટેકના વિદ્યાર્થી મનીષ કોટનીએ, ડો. સોરભ લખનપાલ, એસોસિએટ પ્રોફેસર અને એડિશનલ ડીન, વિદ્યાર્થી કલ્યાણ વિભાગના વડા મનદીપ સિંઘ, સહાયક પ્રોફેસર, સ્કૂલ ઓફ ઇલેક્ટ્રોનિક્સ અને ઇલેક્ટ્રિકલ એન્જિનિયરિંગ અને રૂહુલ અમીનના માર્ગદર્શન હેઠળ કર્યું હતું.