આ કારણથી ભારતીયોમાં હૃદય રોગનું જોખમ ખુબ વધ્યું,જાણો રિસર્ચનું તારણ

હાલ તમે જોઈ રહ્યા હશો કે ગ્લોબલ વોર્મિંગનું પ્રમાણ ખુબ વધી રહ્યું છે. દુનિયામાં પ્રદૂષણ એટલું ફેલાઈ રહ્યું છે રોગચાળો પણ ખુબ વધ્યો છે. હાલ ભારતની વાત કરીએ તો ભારતમાં પણ સૌથી વધુ પ્રદૂષણ થઇ રહ્યું છે. જેના કારણે હવામાન ખુબ બગડી રહ્યું છે. અને શુદ્ધ હવામાન મળતું બંધ થઇ ચુક્યું છે. અને તેનું મોટું કારણ જોઈએ તો હાલ વ્રુક્ષો ખુબ વધુ માત્ર માં કપાઈ રહ્યા છે. તેથી વરસાદમાં પણ ખુબ ઘટાડો થયો છે. અને આવી અસરોને લીધે ભયંકર રોગો ફાટી નીકળે છે.

હવાના પ્રદૂષણથી પર્યાવરણ અને સમાજ સાથે સ્વાસ્થ્યને પણ ભારે નુકસાન થાય છે. તેનાથી હૃદય રોગ થવાનું જોખમ પણ મોટી માત્રામાં વધી જાય છે. એપિડેમિઓલોજી નામની મેડિકલ જર્નલમાં પ્રકાશિત થયેલાં અને દક્ષિણ ભારતમાં થયેલાં રિસર્ચમાં આ વાત સામે આવી છે.

આ રિસર્ચમાં સામેલ કેથરિન જણાવે છે કે ઓછી અને માધ્યમ આવક ધરાવતા દેશોમાં અન્ય દેશોની સરખામણીએ હવાનું પ્રદૂષણ વધારે જોવા મળે છે. બાર્સિલોના ઇન્સ્ટિટ્યૂટ ઓફ ગ્લોબલ હેલ્થ દ્વારા ભારતમાં આ રિસર્ચ કરવામાં આવ્યું હતું. તેમાં હૈદરાબાદ અને તેલંગાણાના 3,372 લોકોને સામેલ કરવામા આવ્યા હતા.