ગુમ થયેલા ચારેય યુવાનો ગાડી સાથે નદીમાં ડૂબી જતાં કરુણ મોત- જુઓ દ્રશ્યો

પંચમહાલ જિલ્લાના ચાર પાટીદાર યુવાનો 7 ડિસેમ્બર ની સવારથી જુનાગઢ થી ગુમ થયેલ હતા. આ યુવાનો વીરપુર દર્શનાર્થે ઈકો ગાડી લઈને નીકળ્યા હતા. પરંતુ તારીખ આઠના સવારે સાડા ચાર કલાકથી તેમનો કોઇ પ્રકારનો સંપર્ક થઈ શક્યો નથી. જેના કારણે તેના માતા-પિતા ચિંતાતુર બન્યા હતા અને સોશિયલ મીડિયામાં આ યુવાનોને શોધવા માટે જાહેર અપીલ કરી હતી, પરંતુ આ યુવાનો ગાડી સાથે મેંદરડા નજીકની નદીમાં ડૂબી ગયેલી હાલત માં મળી આવતા તેમના પરિવારો પર આભ તૂટી પડ્યું હતું.

ગુમ થયેલ ગાડી રાત્રે મેંદરડા પાસે નદીમાંથી મલી આવેલ છે. પાણીમા ડુબી જવાથી ચારેય યુવાન મૃત્યુ પામેલ છે. પી.એમ.કર્યા બાદ આજે બપોરે પછી રામપુર (ગોધરા) લાવવામાં આવશે. ભગવાન તેમના આત્મા ને શાંતિ આપે.

તારીખ ૭-૧૨ ના રોજ પંચમહાલના રામપુરા ગામના ચાર યુવાનો વીરપુર યાત્રાધામ ખાતે દર્શન કરવા નીકળેલ હતા. જેમનો છેલ્લો સંપર્ક જૂનાગઢમાં હતા ત્યારે થયો હતો. હાલમાં પીનાકીન પટેલ, મૌલીન પટેલ, મોહતી પટેલ, જીગર પટેલ નામના યુવાનો ના વાલીઓ ચિંતાતુર બન્યા હતા. પરંતુ આ તમામ યુવાનોના મૃત્યુના સમાચારે પરિવારજનોને ગમગીનીમાં મૂકી દીધા છે.