અમેરિકાની ચૂંટણી કોણ જીતશે? આ મોટા ભવિષ્ય શાસ્ત્રીએ કરી ભવિષ્યવાણી

અમેરિકાની ચૂંટણી પર સમગ્ર વિશ્વની નજર રહેલી છે. ઘણા લોકો રાષ્ટ્રપતિ કોણ બનશે એને લઈ ભવિષ્યવાણી કરી રહ્યાં છે પણ તમામ લોકોની નજર એક એવા વ્યક્તિ પર રહેલી છે કે, જેઓ છેલ્લા 35 વર્ષથી સટિક ભવિષ્યવાણી કરી રહ્યો છે. આ વ્યક્ત્તિની ભવિષ્યવાણી આજ સુધી ક્યારેય પણ ખોટી પડી નથી.

વર્ષ 1984થી ભવિષ્યવાણી કરી રહેલ આ વ્યક્તિનું નામ છે એલન લિચમેન. લિચમેન ઈતિહાસનાં પ્રોફેસર છે. એમની ગણતરીમાં વિશ્વનાં ગણતરીનાં નિષ્ણાંતોમાં થાય છે કે, જેઓ છેલ્લા 35 વર્ષોથી અમેરિકાની બધી જ ચૂંટણીની એકદમ સટીક ભવિષ્યવાણી કરી રહ્યાં છે. એલન લિચમેને આ વખતે ઐતિહાસિક ભવિષ્યવાણી કરી છે.

આ વર્ષે વ્હાઈટ હાઉસની રેસ હાલનાં રાષ્ટ્રપતિ ડોનાલ્ડ ટ્રમ્પ તથા ડેમોક્રેટિક પાર્ટીના ઉમેદવાર જો બિડેનની વચ્ચે છે. મળેલ જાણકારી પ્રમાણે લિચમેને ચૂંટણી ભવિષ્યવાણી માટે ‘The Keys to the White House’ નામની એક સિસ્ટમ વિક્સિત કરી છે. જેને ’13 Keys’ મોડલ તરીકે ઓળખાય છે.

એમણે આની માટે કુલ 13 પ્રશ્નો એટલે કે, મુદ્દાઓનું એક ખાસ મોડલ તૈયાર કરવામાં આવ્યું છે. જેમનો તેઓ સાચા કે ખોટાના આધારે ઉત્તર આપે છે. ત્યારપછી એના દ્વારા જ તેઓ આગામી રાષ્ટ્રપતિની ભવિષ્યવાણી કરે છે. આ મોડલ પ્રમાણે જો મોટાભાગના પ્રશ્નોનાં ઉત્તર ‘હા’ માં મળે તો હાલના રાષ્ટ્રપતિ જ ચૂંટાઈ આવે છે. જો જવાબ ‘ના’ માં મળે તો અમેરિકાને નવા રાષ્ટ્રપતિ મળે છે.