મોટા સમાચાર: વિશ્વની મહાસતા ગણાતું અમેરિકા આવ્યું તાલીબાનીઓના શરણે- કરશે આટલા કરોડ રૂપિયાનો વરસાદ

Published on Trishul News at 11:38 AM, Tue, 14 September 2021

Last modified on September 14th, 2021 at 11:38 AM

આંતરરાષ્ટ્રીય(International): અમેરિકા(America)એ સોમવારે જાહેરાત કરી છે કે તે અફઘાનિસ્તાન(Afghanistan)ને $ 64 મિલિયન અથવા લગભગ 470 કરોડ રૂપિયાની માનવતાવાદી સહાય મોકલશે. અગાઉ, યુનાઇટેડ નેશન્સે(UN) અફઘાનિસ્તાનને ભૂખ અને જાહેર આરોગ્ય સંકટથી બચાવવા માટે $ 600 મિલિયન અથવા લગભગ 4.5 હજાર કરોડ રૂપિયાની સહાયની પણ જાહેરાત કરી હતી.

અમે તમને જણાવી દઈએ કે જ્યાં સુધી અમેરિકા અફઘાનિસ્તાનમાં હતું ત્યાં સુધી દરરોજ યુદ્ધ પર લગભગ 300 મિલિયન ડોલરનો ખર્ચ થતો હતો. બિડેન વહીવટીતંત્રે હજુ તાલિબાન સરકારને સત્તાવાર માન્યતા આપી નથી. મળતી માહિતી અનુસાર, આ સહાય યુએસ એજન્સી ફોર ઇન્ટરનેશનલ ડેવલપમેન્ટ અને યુએસ સ્ટેટ ડિપાર્ટમેન્ટ દ્વારા આપવામાં આવશે.

જે સંયુક્ત રાષ્ટ્ર અને અન્ય સ્વતંત્ર સંસ્થાઓ મારફતે અફઘાનિસ્તાનને પહોંચાડવામાં આવશે. આ નાણાંની ફાળવણી કર્યા પછી, આ વર્ષે અફઘાનિસ્તાનને યુએસ માનવતાવાદી સહાય $ 330 મિલિયન સુધી પહોંચી ગઈ છે. અફઘાનિસ્તાનને દાન આપવા માટે અમેરિકા હવે સૌથી મોટું સહયોગી બની ગયું છે.

‘અફઘાન ભૂખમરા તરફ આગળ વધી રહ્યું છે’:
તાલિબાનના કબજા બાદ અફઘાનિસ્તાન હવે ભૂખમરા તરફ આગળ વધી રહ્યું છે. બુધવારે સંયુક્ત રાષ્ટ્રના એક અધિકારીએ આ સંદર્ભમાં ચેતવણી આપી હતી કે, આ મહિના પછી અફઘાનિસ્તાનમાં ભારે ભૂખમરાની સ્થિતિ સર્જાઈ શકે છે. સંયુક્ત રાષ્ટ્રના અધિકારીએ કહ્યું કે, અફઘાનિસ્તાન અત્યારે જે પ્રકારના પડકારોમાંથી પસાર થઈ રહ્યું છે તે ત્યાં ખાદ્યપદાર્થોની અછત સર્જી શકે છે.

સ્થાનિક માનવતાવાદી સંયોજક રમીઝ અલકબરોવે જણાવ્યું હતું કે, દેશની ત્રીજા ભાગની વસ્તી કટોકટીની પરિસ્થિતિનો સામનો કરી રહી છે અથવા ખોરાકની અસુરક્ષાનો સામનો કરી રહી છે. શિયાળાની ઋતુ નજીક આવી રહી છે અને દેશ દુષ્કાળનો સામનો કરી રહ્યો છે, તેથી અફઘાનિસ્તાનને ઘણા પૈસાની જરૂર પડશે જેથી લોકોને અહીં ભૂખમરાથી બચાવી શકાય.

વૈશ્વિક આતંકવાદીને બનાવવામાં આવ્યો ગૃહમંત્રી:
વિશ્વ સમુદાય સાથેની વાતચીતમાં, તાલિબાનોએ લઘુમતીઓ અને અફઘાન રાજકારણીઓને સમાવવા માટે સંમત થઈને એક સમાવેશી સરકાર બનાવવાનું વચન આપ્યું હતું. પરંતુ જ્યારે તેણે ગયા અઠવાડિયે આંતરિક સરકારની જાહેરાત કરી ત્યારે તે ખોટી સાબિત થઈ. તાલિબાનોએ સમાવેશી સરકાર બનાવી નથી. દુનિયા માટે વધુ આશ્ચર્યજનક બાબત એ છે કે આતંકી સંગઠન હક્કાની નેટવર્કના લોકોને આ સરકારમાં સામેલ કરવામાં આવ્યા છે. વૈશ્વિક આતંકવાદી સિરાજુદ્દીન હક્કાનીને ગૃહમંત્રી બનાવવામાં આવ્યા છે.

નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો. 

Be the first to comment on "મોટા સમાચાર: વિશ્વની મહાસતા ગણાતું અમેરિકા આવ્યું તાલીબાનીઓના શરણે- કરશે આટલા કરોડ રૂપિયાનો વરસાદ"

Leave a comment

Your email address will not be published.


*