લ્યો બોલો! આ વ્યક્તિને માથામાં કાળા વાળને બદલે આવે છે સોનાનાં વાળ

હાલમાં એક ખુબ આશ્વર્યજનક સમાચાર સામે આવ્યા છે. જેને સાંભળીને આપને થોડીવાર માટે વિશ્વાસ પણ નહીં આવે! તમામ લોકોને અલગ-અલગ શોખ રહેલા હોય છે. જો કે, કેટલાક લોકોને એવા શોખ હોય છે કે, જે જાણીને આપણને નવાઈ લગતી હોય છે. આવો જ એક અજીબોગરીબ શોખ અમેરિકામાં રહેતા ડૈન સુર નામના રેપરને રહેલો છે.

ડેન સુરે હેયર ટ્રાન્સપ્લાન્ટ કરાવીને વાળની જગ્યાએ સોનાની ચેઇન ઉગાડી છે. અમેરિકાના રેપર ડેન સુરના નવા ફોટો ખુબ વાયરલ થયા છે કે, જેમાં રેપરે હેયર ટ્રાન્સપ્લાન્ટ કરાવ્યું છે. જેની કેટલીક ચર્ચા ચાલી રહી છે. ડેને પોતાના કાળા વાળની જગ્યાએ માથામાં સોનાની મોટી-મોટી ચેઇનો લગાવી છે.

રેપરે પોતાના ગોલ્ડન વાળના ફોટા ઇંસ્ટાગ્રામ પર શેર કરવામાં આવ્યા છે. જેને જોયા બાદ લોકો આશ્વર્યચકિત થઇ ગયા છે. ડેનનો દાવો છે કે, આ રીતે હેયર ટ્રાન્સપ્લાન્ટ કરાવનાર સૌપ્રથમ વ્યક્તિ છે. ડેને સર્જરી માટે પોતાના માથાના વાળ હટાવીને હુક લગાવી તેમાં સોનાની ચેઇન લગાવવામાં આવી છે.