ગૌશાળાની ગાયો ની રક્ષા માટે ડાલામાથ્થા સાથે બાથ ભીડી આ ખેડૂતે- જુઓ રોમાંચક વિડીયો

ગીરના જંગલમાંથી રોજ સિંહોના વીડિયો વાયરલ થતા હોય છે.જેમાં સિંહોને લટાર,સિંહ શિકાર,સિંહ પરિવારના અનેક વિડિયો સામે આવતા હોય છે પરંતુ અમરેલીના ખાંભા માંથી એક વીડિયો સામે આવ્યો છે.જેને જોઇને તમે પણ વાહ પોકારી જશો.પોતાની ગાયો ને સિંહનો શિકાર થતી બચાવવા માટે એક વ્યક્તિ સિંહની સામે આવી ગયો હતો. ડરીયા વગર એને સિંહ નો સામનો કર્યો અને પોતાની ગાયોને બચાવી હતી.

ઘટનામાં બન્યું એમ હતું કે ખાંભાના મોટા બારમાણ મા ગૌશાળા આવેલી છે. આ ગૌ શાળામાં અચાનકથી સિંહ આવી ચડયો હતો.મોટા બારમાણ ગૌશાળામાં 15 ફૂટની દીવાલ કૂદીને સિંહ અંદર આવી ગયો હતો.ત્યારે પહેલાં તો બધી ગાયો ભાગી ગઈ હતી,ત્યારે સિંહ પણ તે દિશામાં આગળ જઈ રહ્યો હતો.ત્યારે ગૌશાળા ના સંચાલક દેવશીભાઈ વાઢેર આવી ચડયા હતા અને સિંહ સામે બાથ ભીડી હતી.

દેવશીભાઈ ડર્યા વગર સિંહ સામે લાકડીનો છુટો ઘા કરીને વાછરડાને બચવાનો પ્રયત્ન કર્યો હતો. આ ક્ષણે સિંહ અને દેવશીભાઈ વચ્ચે ઝાઝુ અંતર ન હતું,સિંહ આસાનીથી તેમનો શિકાર કરી શકતો હતો. તેમ છતાં દેવશી ભાઈ ડરીયા નહીં, પણ તેમની હિંમત જોઈને સિંહે પીછેહટ કરી હતી.