April 19, 2024
ઉત્તર પ્રદેશ સરકાર અને કોંગ્રેસ વચ્ચે બસોને લઈને વિવાદ અટક્યો હોય તેમ લાગતું નથી. હવે, કોંગ્રેસના પ્રદેશ ઉપાધ્યક્ષ પંકજ મલિક સહિત 20 થી વધુ લોકો પર નોઇડામાં કેસ નોંધવામાં આવ્યો છે. તેના પર લોકડાઉન નિયમોનું ઉલ્લંઘન કરવાનો આરોપ લગાડવામાં આવ્યો છે. ગઈકાલે જ કોંગ્રેસના લોકોએ નોઇડામાં મજૂરો માટે 100 બસો ભેગી કરી હતી, જેને પોલીસે અટકાવી હતી.
પોલીસ અધિકારીઓનું કહેવું છે કે, અમે તમામ બસોની તપાસ કરી રહ્યા છીએ. તેમાંથી બે બસનું ફિટનેસ સર્ટિફિકેટ એક્સ્પાયર થઈ ગયું છે. આ બંને બસ કબજે કરી છે. અને બાકીની બસોની તપાસ કરવામાં આવી રહી છે. એવું માનવામાં આવે છે કે, તમામ બસોની તપાસ કર્યા પછી જ અધિકારીઓ પાસેથી ગ્રીન સિગ્નલ મળી શકે છે. કોંગ્રેસે ભાજપ પર રાજકારણ કરવાનો આરોપ લગાવ્યો છે.
સેક્ટર -39 પોલીસ સ્ટેશનમાં કેસ દાખલ
લોકડાઉનનું ઉલ્લંઘન કરવા માટે નોઇડા પોલીસે કોંગ્રેસના પ્રદેશ ઉપાધ્યક્ષ પંકજ માલિક અને અન્ય નેતાઓ વિરુદ્ધ કેસ દાખલ કર્યો છે. આ એફઆઈઆર સેક્ટર -39 ના પોલીસ સ્ટેશનમાં નોંધવામાં આવી છે. આરોપ છે કે, કોંગ્રેસના નેતાઓ મોડી રાત સુધી બસો પાસે રહ્યા હતા અને લોકડાઉન નિયમોનું ઉલ્લંઘન કરી રહ્યા હતા.
કોંગ્રેસીઓ સાંજ સુધી ઉભા રહેશે
આ દરમિયાન પ્રિયંકા ગાંધી વાડ્રાના સચિવ સંદીપસિંહે યુપી સરકારને એક પત્ર લખ્યો છે. તેમણે કહ્યું કે, ગઈકાલ સવારથી જ અમે બસો સાથે બોર્ડર પર ઉભા છીએ. અમને નોઈડા-ગાઝિયાબાદ તરફ જવા માટે રોકવામાં આવ્યા છે. તે જ સમયે, યુપી પોલીસે અમને આગ્રા બોર્ડર પર ઊભા રાખી દીધા હતા. અને પોલીસે યુપી કોંગ્રેસ અધ્યક્ષ અજય લલ્લુ સાથે દુર્વ્યવહાર કર્યો હતો.
પત્રમાં કહેવામાં આવ્યું છે કે, આજે સાંજે 4 વાગ્યા સુધી અમે અહીં ઉભા રહીશું. નોઇડાના મહામાયા ફ્લાયઓવર હેઠળ હજી 100 બસો ઉભી છે, જેની નોઇડા પોલીસ તપાસ કરી રહી છે. તે જ સમયે, આશરે 300 જેટલી બસો આગ્રા-ભરતપુર બોર્ડર પર ઉભી છે, જેને આગરા પોલીસ ઉત્તર પ્રદેશમાં પ્રવેશવાની મંજૂરી આપી રહી નથી.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો.
https://play.google.com/store/apps/details?id=com.trishul.news