હીટ એન્ડ રન કેસ: પુરઝડપે કાર હંકારીને અમદાવાદમાં બિલ્ડરની દીકરીએ સર્જ્યો અકસ્માત, વિદ્યાર્થીઓને લીધા અડફેટે

ગુજરાત: મેગાસીટી (Megacity) અમદાવાદ (Ahmedabad) માં દિને-પ્રતિદિન હિટ એન્ડ રનના કેસનાં દરમાં સતત વધારો થતો જઈ રહ્યો છે. આ વાત અમે એટલા માટે કહબી રહ્યા છે. કારણ કે, થોડા સમય અગાઉ જ શિવરંજની ચાર રસ્તા નજીક એક હિટ એન્ડ રનની ઘટના સર્જાઈ હતી કે, જેમાં પર્વ શાહ નામના યુવકે ફુટપાથ પર સૂતેલા લોકોને કચડી નાખ્યા હતા. આવી જ અન્ય એક ઘટના હાલમાં સામે આવી છે. 

બિલ્ડર અમિત પટેલની દીકરી અકસ્માત સર્જીને ફરાર:
શહેરમા વધારે એક હિટ એન્ડ રનની ઘટના સામે આવી છે કે, જેમા શહેરના ખ્યાતનામ બિલ્ડરની દીકરીએ આ અકસ્માત સર્જ્યો હોવાનું સામે આવ્યું છે. બિલ્ડર અમિત પટેલની દીકરીએ આ અકસ્માત સર્જ્યો હોવાનું સામે આવી રહ્યું છે કે, જેમા એક કરતા વધુ યુવકો ઈજાગ્રસ્ત થયા છે કે, જેને લીધે શહેરમાં ચકચાર મચી જવા પામી છે.

અકસ્માતમાં CAના વિદ્યાર્થીઓ થયા ઈજાગ્રસ્ત:
આપને જણાવી દઈએ કે, જે યુવકો અકસ્માતનો ભોગ બન્યા છે. તેઓ CAના વિદ્યાર્થીઓ હોવાનું સામે આવી રહ્યું છે કે, જે સમયે આ અકસ્માત સર્જયો ત્યારે યુવતી ગરબા રમીને ઘરે જઈ રહી હતી. આની સાથે જ તેની કાર 100ની સ્પીડ પર હતી એવું સામે આવ્યું છે. આની સાથે જ અકસ્માત સર્જયા પછી યુવતી ભાગી ગઈ હતી.

શહેરમાં વધી રહ્યા છે હિટ એન્ડ રનના કેસ:
અહીં નોંધનીય છે કેમ, સમગ્ર મામલે પોલીસ દ્વારા તપાસ હાથ ધરવામાં આવી છે. જો કે, સારી બાબત તો એ છે કે, આ અકસ્માતમાં ભોગ બનનારને વધુ ઇજા પહોંચી નથી ફક્ત ઘા વાગ્યા છે. જો કે, અમદાવાદમાં સતત વધતા જઈ રહેલ ‘હિટ એન્ડ રન’ના બનાવો હવે એક ગંભીર પ્રશ્ન બની ચુક્યો છે.