રૂપાણી સામે અશોક ગેહલોત સાચા પડી રહ્યા છે : ગુજરાતના આ વિસ્તારમાં વિદેશી દારૂ પકડાયો..

હાલમાં નશાબંધી સપ્તાહની ઉજવણી ચાલી રહી છે ત્યારે જ રાણાવાવ અને કુતિયાણા પંથકમાંથી વિદેશી શરાબની ૧૭૯ બોટલ કબ્જે કરવામાં આવી છે. એક શખ્સ મળી આવ્યો હતો, જ્યારે બીજો હાજર મળી આવ્યો ન હતો.

પોલીસે દરોડા પાડતા ચોંકી ગઈ

કુતિયાણાના ખાગેશ્રી નજીક આવેલા સારણનેસની સવારીયુ સીમમાં રહેતા મેરૂ બાવન કરમટાએ તેના મકાનમાં મોટી માત્રામાં વિદેશી દારૂ ઉતાર્યો હોવાની ચોક્કસ માહિતીના આધારે પોલીસે દરોડો પાડયો હતો. જેમાં ૧૮ હજારની કિંમતની વિદેશી દારૂની ૬૦ બોટલ અને ૧૮૦ એમએલના ૪૨૦૦ની કિંમતના ૫૬ ચપલા મળી કુલ ૨૨,૨૦૦નો મુદ્દામાલ કબ્જે કર્યો હતો. મેરૂ હાજર મળી આવ્યો ન હતો.

વિદેશી દારૂની 63 બોટલો મળી આવી

રાણાવાવના ગંડીયાવાળા નેસમાં રહેતા દેવા ડાયા કોડીયાતરે તેના મકાનમાં વિદેશી દારૂ ઉતાર્યો હોવાની માહિતીના આધારે રાણાવાવ પોલીસે દરોડો પાડતા ૧૮૯૦૦ની કિંમતની વિદેશી દારૂની ૬૩ બોટલ મળી આવી હતી. પોલીસે દેવાની ધરપકડ કરીને વધુ પુછપરછ હાથ ધરી છે.