વજન ઘટાડવાથી લઈને બ્લડપ્રેશરને નિયંત્રિત કરવામાં ખુબ જ ઉપયોગી છે હિંગ- ઢગલાબંધ ફાયદા જાણીને ચોંકી ઉઠશો

વરિયાળીની પ્રજાતિનો છોડ હિંગ છે. મૂળ ઈરાનનો આ છોડ છે. મોટે ભાગે ખોરાકનો સ્વાદ વધારવા અથવા ગેસની સમસ્યાને દૂર કરવા માટે હિંગનો ઉપયોગ થતો હોય છે. લાંબા સમયથી આપણા પરંપરાગત રસોડાનો મહત્વનો ભાગ હિંગ રહી છે. હિંગનો ઉપયોગ બિરયાનીથી માંડીને કઠોળ અને શાકભાજીમાં પણ થતો આવ્યો છે. હિંગના કારણે ભોજન સ્વાદિષ્ટ બને છે અને તેના અનેક સ્વાસ્થ્ય લગતા લાભ પણ થાય છે. આજે અહીં હિંગના અનેક ફાયદા અંગે જાણવા મળી રહ્યું છે.

બ્લડપ્રેશરને કંટ્રોલ કરવાનું કામ હિંગ કરે છે. હિંગમાં કુમારિન નામનું તત્ત્વ જોવા મળે છે. જેને કારણે લોહીનો પ્રવાહ યોગ્ય રીતે જળવાય છે. હિંગમાં રહેલા ઔષધીય ગુણધર્મો કોલેસ્ટ્રોલ ઘટાડે છે.

દાંતના દુઃખાવામાં રાહત:
હિંગ દાંતના ચેપ, પીડા અને પેઢામાંથી લોહી નીકળવાની સમસ્યાને દૂર કરવા માટે ખૂબ જ ફાયદાકારક છે. હિંગમાં એન્ટીઓકિસડેન્ટસ જોવા મળે છે. જે ચેપ અને દુ:ખાવાની સમસ્યાને દૂર કરવામાં મદદરૂપ થાય છે.

વજન ઘટાડવામાં ફાયદાકારક:
હિંગનું પાણી મેટાબોલિઝમમાં વધારો કરે છે. જેના લીધે શરીરમાં ચરબી એકત્ર થતી નથી અને વજનમાં ઘટાડો થાય છે.