કાર રોકવા ગયા ત્યાં કારચાલકે પોલીસકર્મીને બોનેટ પર ચડાવી દીધો- વાયરલ વિડીયો જોઇને ચોંકી ઉઠશો

મુંબઈ: મુંબઈ(Mumbai)માં અંધેરીના આઝાદ નગર(Azad Nagar of Andheri) મેટ્રો સ્ટેશન હેઠળ જેપી રોડ(JP Road) પર તૈનાત ટ્રાફિક કોન્સ્ટેબલ(Traffic Constable)ને ચેકિંગ માટે કાર રોકવી મોંઘી પડી હતી. હ્યુન્ડાઇ ક્રેટા(Hyundai Creta) કાર ચલાવતા એક વ્યક્તિએ ટ્રાફિક કોન્સ્ટેબલને કુચલી નાખવાનો પ્રયાસ કર્યો હતો. પોતાનો જીવ બચાવતા કોન્સ્ટેબલ કૂદી પડ્યો અને કારના બોનેટ પર ચડી ગયો હતો.

આ પછી, તે કાર ચલાવનાર વ્યક્તિને કારમાંથી બહાર આવવાનું કહેતો રહ્યો, પણ તે બહાર આવ્યો ન હતો. આરોપી થોડો સમય કારમાં ચૂપચાપ બેસી રહ્યો અને પછી તેણે ટ્રાફિક કર્મચારીઓને નીચે પછાડી દીધો અને સ્થળ પરથી ભાગી ગયો હતો. આ ઘટના બાદ ટ્રાફિક પોલીસના હવાલદાર વિજયસિંહ ગુરવે ડીએન નગર પોલીસ સ્ટેશનમાં કેસ નોંધ્યો છે. પોલીસે આરોપી ડ્રાઈવર વિરુદ્ધ આઈપીસીની કલમ 353, 279, 336 અને 184 હેઠળ એફઆઈઆર નોંધાવી છે. આરોપીની ધરપકડ કરવામાં આવી છે. જોકે, પોલીસે હજુ સુધી આરોપીઓના નામ જાહેર કર્યા નથી.

મુંબઈમાં ફરી એક વખત કારચાલકે પોલીસકર્મી પર કાર ચડાવવાનો કર્યો પ્રયાસ, જુઓ વિડીયો #trishulnews #topnewstoday #gujaratinews #breakingnews #newsupdate #viralvideo pic.twitter.com/6UouQX91f9

— Trishul News (@TrishulNews) October 1, 2021

વિજયસિંહ ગુરવે જણાવ્યું હતું કે, તેઓ તેમની ટીમ સાથે રસ્તાની બાજુમાં ઉભા રહીને ચેકિંગ કરી રહ્યા હતા, ત્યારે એક શંકાસ્પદ હ્યુન્ડાઇ ક્રેટા કાર પુર ઝડપે આવતી જોવા મળી હતી. વિજય સિંહે તેમને હાથ બતાવીને રોકવાનું કહ્યું, પરંતુ રોકવાને બદલે તેમણે ટક્કર મારીને ભાગવા લાગ્યો હતો. જે બાદ ટ્રાફિક કોન્સ્ટેબલ કારના બોનેટ પર બેસી ગયો હતો. આ પછી સામાન્ય લોકોની ભીડ પણ એકઠી થઈ ગઈ હતી. તક જોઈને કાર ચાલકે કારમાંથી ઝડપથી ભાગીને પોલીસ કર્મચારીને નીચે ફેંકી દીધો અને ત્યાંથી ભાગી ગયો હતો.