આ મહિલા ક્રિકેટરે મહેન્દ્રસિંહ ધોનીને પણ પાછળ છોડી, તોડી નાખ્યા તમામ રેકોર્ડ

હાલમાં દુબઈમાં IPL ચાલી રહી છે. મોટાભાગનાં લોકો MS ધોનીનાં ચાહકો હોય છે. MS ધોનીએ ક્રિક્રેટ જગતમાં પોતાના નામે કેટલાય રેકોર્ડ સ્થાપિત કરી દીધાં છે. તમામ ક્ષેત્રમાં હાલમાં મહિલાઓ આગળ વધી રહી છે. આવા જ એક સમાચાર ક્રિક્રેટ જગતમાંથી સામે આવી રહ્યાં છે.

T-20 માં વિકેટ પાછળ સૌથી વધુ શિકાર કરવાનો રેકોર્ડ :
રવિવારનાં બ્રિસ્બેનનાં એલન બૉર્ડર ફીલ્ડ પર રમાયેલ મેચ ઑસ્ટ્રેલિયન વિકેટકીપર એલિસા હીલીના વર્લ્ડ રિકૉર્ડને લીધે યાદગાર બની ગઈ હતી. માત્ર 30 વર્ષની એલિસા હીલીએ આ મેચમાં વિકેટની પાછળ કુલ 2 શિકાર ઝડપીને મહેન્દ્રસિંહ ધોનાના T-20 ઇન્ટરનેશનલમાં સૌથી વધુ શિકાર કરવાનાં વર્લ્ડ રેકોર્ડ (91)ને તોડી નાંખ્યો છે.

ધોનીએ કુલ 91 શિકાર એટલે કે કુલ 57 કેચ તથા કુલ 34 સ્ટમ્પિંગ કર્યા છે. હીલીએ કીવી ક્રિકેટર લૉરેન ડૉનનો કેચ પકડીને T-20 ઇન્ટરનેશનલમાં ધોનીને પાછળ મુકીને પોતાના કુલ 92 શિકાર એટલે કે કુલ 42 કેચ તથા કુલ 50 સ્ટમ્પિંગ પુર્ણ કર્યા છે.