બાબા રામદેવે ભડકાઉ ભાષણ આપતા કહ્યું- ‘અરેસ્ટ તો કોઇનો બાપ પણ ન કરી શકે’ -જુઓ વીડીઓ

બાબા રામદેવ હમણાં છેલ્લા ઘણા દિવસથી ચર્ચામાં છે. જયારે કોરોનાના આ કપરા કાળમાં એલોપેથી અને પતંજલિ વચ્ચેના વિવાદને કારણે બાબા રામદેવને ટીકાકારોનો સામનો કરવો પડી રહ્યો છે. દેશના કેન્દ્રીય સ્વાસ્થ્યમંત્રી હર્ષવર્ધને પણ બાબા રામદેવને આ પ્રકારની ટીકાઓથી બચવા માટે સલાહ આપી છે. ત્યારે બીજી બાજુ ઇન્ડીયન મેડિકલ એસોસિયેશ(IMA)ને પણ બાબા રામદેવની વિરુધમાં પ્રદર્શનો કર્યા છે.

ઇન્ડીયન મેડિકલ એસોસિયેશન (IMA)એ પતંજલિ કંપની પર બાબા રામદેવની વિરુદ્ધમાં ફરિયાદ કરવાની માંગ કરી છે તો ઘણી જગ્યાએ ડોક્ટરોએ પતંજલિની વિરુધ સવાલ ઉઠાવ્યા અને પ્રદર્શન પણ કર્યું છે. સોશિયલ મીડિયા પર પણ બાબા રામદેવની વિરુદ્ધમાં સવાલો ઉઠી રહ્યા છે, પ્રદર્શનો પણ થઇ રહ્યા છે અને સાથે જ બાબા રામદેવને અરેસ્ટ કરવાની માંગ પણ ઉઠી છે.

બાબા રામદેવએ આપ્યુ નિવેદન:
કોરોનાના મહામારી વચ્ચે બાબા રામદેવનો એક વિડીઓ સોશિયલ મીડિયાના માધ્યમથી વહેતો થઇ રહ્યો છે. ત્યારે આ વીડીઓમાં બાબા રામદેવ કહી રહ્યા છે કે અરેસ્ટ તો કોઇનો બાપ પણ ન કરી શકે.સાથે આ વીડીઓમાં બાબા રામદેવ એવું પણ કહી રહ્યા છે કે. લોકો ક્યારેક રામદેવને ઠગ કહે છે તો બીજી બાજુ રામદેવની ધપ્ક્દ કરવા માટે માંગ ઉઠાવવામાં આવે છે પરંતુ અમે બધા આ પ્રકારના ટ્રેન્ડથી ઉપર છીએ.

આ વિડીઓ ક્યારનો છે તેને લઈને કોઈ માહિતી સામે આવી નથી. પંરતુ યુઝર્સ દ્વારા આ વિદીઓને ટ્વીટ કરીને બાબા રામદેવ પણ નિશાન સાધી રહ્યા છે. તો કેટલાક યુઝર્સ કહી રહ્યા છે કે હવે બાબા રામદેવ કાયદાથી પણ ઉપર થઇ ગયો છે.