તમારા બેંકના જરૂરી કામકાજ આજે જ પતાવી લેજો, જુલાઇમાં આટલા દિવસ બંધ રહેશે બેંક

હાલમાં સમગ્ર દેશમાં કોરોના વાઈરસના કેસ સતત વધી રહ્યા છે. કોરોના વાયરસને લઈને સમગ્ર વિશ્વમાં ચિંતાજનક વાતાવરણ છે. પરંતુ આ વિનાશક રોગચાળામાં લોકોની જરૂરિયાતોને ધ્યાનમાં રાખીને બેંકો સતત ચાલુ રાખવામાં આવી હતી. લોકોની સુવિધા માટે દેશની તમામ બેંકો ખોલવામાં આવી હતી. પરંતુ તેમ છતાં પણ, આરબીઆઈએ લોકોને સલાહ આપી છે કે, લોકોએ જરૂરી કામ હોય તો જ બેંકમાં આવવું જોઈએ. જેથી બેંક કાર્યકરને કોઈ પણ પ્રકારની મુશ્કેલીનો સામનો ન કરવો પડે. આ સાથે, બેંકોના ખોલવાનાં સમયમાં થોડો ફેરફાર થયો હતો. પરંતુ બેંકના કર્મચારીઓ લોકડાઉન દરમ્યાન કામ કરી રહ્યા હતા.

બે દિવસ પછી એટલે કે, 31 જુન આ મહિનાની અંતિમ તારીખ છે. ત્યાર પછી બુધવારથી જુલાઇ મહીનાની શરૂઆત થઇ રહી છે. એવામાં એ પણ જરૂરી છે કે, અત્યારથી જ લોકોને પોતાના બેંક સાથે જોડાયેલી જાણકારી મળી જાય જેથી કોઇ જરૂરી કામ ન અટકાય. એટલા માટે અમે તમને જણાવી રહ્યા છીએ કે આગામી મહિને આવનાર રજાઓ જેથી સમયસર તમે કામ પતાવી શકો.

આ દિવસે બંધ રહેશે બેંક

તમામ સરકારી અને ખાનગી બેંકોમાં કેટલીક રજાઓ અનિવાર્ય છે. મહિનામાં આગામી તમામ રવિવાર અને બીજા શનિવારે બેંક બંધ રહેશે. આ મુજબ 5, 11, 12, 19, 25 અને 26 જુલાઇના રોજ શનિવાર અને રવિવારના કારણે બેંકોમાં રજા રહેશે. આ ઉપરાંત 30 અથવા 31 જુલાઇના રોજ બકરી ઇદનો તહેવાર આવવાનો છે. તો કુલ મળીને આગામી મહિને સતત 7 દિવસ બેંકોમાં કામ બંધ રહેશે.