ભગવાન શિવની ઉપાસનામાં વપરાતા બીલીપત્ર સ્વાસ્થ્ય માટે પણ છે ખુબ જ ફાયદાકારક

બીલીપત્ર ભોળાનાથનું પ્રિય પાન છે. તેમાં પણ ચાર, પાંચ, છ, કે સાત પાન હોય તો તે શુભ માનવામાં આવે છે. બીલીપત્ર વિના શિવપૂજા અધૂરી માનવામાં આવે છે. પરંતુ તમે નહિ જાણતા હોવ કે, સ્વાસ્થ્ય માટે પણ બીલીપત્ર  ખુબ જ ફાયદાકારક છે.

તાવના કિસ્સામાં બીલીપત્રનો ઉકાળો લેવાથી ફાયદો થાય છે. આ સિવાય મધમાખી અથવા ભમરીના કરડવાથી થતી પીડા પર બેલપત્રનો રસ લગાવવાથી રાહત મળે છે.

ભગવાન શિવની પૂજા કરતી વખતે તેમને ફૂલ અને દૂધની સાથે બેલપત્ર પણ ચઢાવવામાં આવે છે. તમને જણાવી દઈએ કે, ભોલેનાથને જે પાન ચઢાવવામાં આવે છે તે માત્ર તેમની પૂજા કરવા માટે નહિ, પરંતુ સ્વાસ્થ્ય માટે પણ ખૂબ ફાયદાકારક છે. બેલાપત્રનું સેવન કરવાથી અનેક પ્રકારના રોગોથી મુક્તિ મળે છે. ચાલો અમે તમને જણાવીએ કે, તમે બેલપત્રનો ઉપયોગ કેવી રીતે કરી શકો છો જેથી તે તમારું આરોગ્ય સારું બનાવી શકે.

બીલીપત્ર હદયરોગના દર્દીઓ માટે પણ ખૂબ ઉપયોગી છે. એવું કહેવામાં આવે છે કે, બેલપત્રનો ઉકાળો પીવાથી હૃદય સ્વસ્થ રહે છે અને હાર્ટ એટેકનું જોખમ ઓછું થાય છે. તે શ્વસનની તકલીફ વાળા દર્દીઓ માટે અમૃત સમાન છે. આ પાંદડાઓનો રસ પીવાથી શ્વસન રોગોમાં ઘણો ફાયદો મળે છે.