ભાનુશાળી હત્યાકાંડનો માસ્ટર માઈન્ડ BJP નેતા છબીલ પટેલ અમદાવાદ એરપોર્ટથી ઝડપાયો

ભાજપના અબડાસાના પૂર્વ ધારાસભ્ય જયંતી ભાનુશાળીની ચાલતી ટ્રેનમાં ગોળી મારીને હત્યા કરી દેવાઇ હતી અને તેનો આરોપ ભાજપના નેતા છબીલ પટેલ પર લાગ્યો છે, તેઓ અત્યાર સુધી વિદેશમાં હતા અને અમદાવાદ એરપોર્ટ પર આવતા જ પોલીસે તેમની અટકાયત કરીને પૂછપરછ હાથ ધરી છે, આજે સવારે છબીલ પટેલ દુબઈથી ફ્લાઈટમાં આવ્યાં હતા, અમદાવાદ ઈન્ટરનેશનલ એરપોર્ટ પર આવતાં ત્યાં હાજર પોલીસે તેમની અટકાયત કરી હતી. રાણીપ સ્થિત રેલવે એસપી ઓફિસ ખાતે તેની પૂછપરછ હાથ ધરવામાં આવી છે.

આજ વહેલી સવારે છબીલ પટેલ દુબઈથી ફ્લાઈટમાં આવ્યો હતો. અમદાવાદ ઈન્ટરનેશનલ એરપોર્ટ પર આવતાં જ ત્યાં હાજર પોલીસે તેની અટકાયત કરી હતી. રાણીપ સ્થિત રેલવે એસપી ઓફિસ ખાતે છબીલની પૂછપરછ હાથ ધરવામાં આવી છે.

જયંતી ભાનુશાળીની હત્યા બાદ વિદેશ ભાગી ગયેલો છબીલ પટેલ તેના સંબંધીઓ અને મિત્રોના સંપર્કમાં હોવાની પોલીસને જાણ હતી. તેથી તેનો પુત્ર સિધ્ધાર્થ પટેલની શોધખોળ ચાલતી હતી. તેવામાં ગોવાના ગેસ્ટ હાઉસમાં છુપાઈને રહેતો હતો તે સિધ્ધાર્થ પણ સામેથી પોલીસને શરણે થયો હતો.