સાવધાન! ગટરના પાણીમાં શાકભાજી ધોઈને લોકોને પધરાવતો વધુ એક વિડીયો થયો વાયરલ

મધ્યપ્રદેશ(Madhya Pradesh)ના ભોપાલ(Bhopal)નો એક વીડિયો સોશિયલ મીડિયા(Social media) પર વાયરલ થઈ રહ્યો છે. જેમાં એક દુકાનદાર ગટરના પાણીથી શાકભાજી ધોઈ રહ્યો છે. વીડિયોમાં અન્ય યુવક તેની બાજુમાં બેઠેલો જોવા મળી રહ્યો છે. તમને જણાવી દઈએ કે બે મહિનામાં આ પ્રકારનો બીજો મામલો સામે આવ્યો છે. સિંધી કોલોની ચોકડીની ઘટના બાદ હવે કોલારના નયાપુરામાં શાકભાજી ધોવાનો વીડિયો વાયરલ(Viral videos) થઈ રહ્યો છે.

રોહિત નગરનો વીડિયોઃ
તમને જણાવી દઈએ કે, આવી શાકભાજી ખાવાથી તમામ બીમારીઓ થવાનો ડર રહે છે. તબીબોનું કહેવું છે કે ગંદા પાણીમાં અનેક પ્રકારના બેક્ટેરિયા હોય છે જે કેટલાય દિવસો સુધી સ્થિર રહે છે. આવી સ્થિતિમાં શાકભાજીને તેમાં ધોવા અને તેનો સીધો ઉપયોગ પેટ અને લીવરને લગતી ઘણી બીમારીઓનું કારણ બની શકે છે.

જણાવી દઈએ કે, સોશિયલ મીડિયા પર વાયરલ થઈ રહેલો વીડિયો રોહિત નગરનો છે. મળતી માહિતી મુજબ, આ શાકભાજી રોહિત નગર, ગુલ મોહર માર્કેટ, બિટ્ટન માર્કેટ અને અન્ય માર્કેટમાં વેચાય છે.