મોદી કેબિનેટમાં ખેડૂતો માટે લેવાયા મોટા નિર્ણયો- 6.28 કરોડના પેકેજની જાહેરાત

આજે વડાપ્રધાનના નેતૃત્ત્વમાં કેન્દ્રીય કેબિનેટની બેઠક મળી હતી. જાણવા મળ્યું છે કે, આ બેઠકમાં કેટલાક મહત્ત્વપૂર્ણ પ્રસ્તાવોને મંજૂરી આપવામાં આવી હતી. જેમાં પાવર ડિસ્ટ્રિબ્યુશન રિફોર્મને મંજૂરી આપવામાં આવી છે. આ માટે ૩.૦૩ લાખ કરોડ રૂપિયા મંજૂર કરવામાં આવ્યા છે. આ ઉપરાંત દેશના ગામ સુધી ઇન્ટરનેટ પહોંચાડવા માટે 19 હજાર કરોડ રૂપિયાના પ્રોજેક્ટને પણ મંજૂરી આપવામાં આવી હોવું જાણવા મળ્યું છે.

આ મહત્ત્વપૂર્ણ બેઠક અંગેની માહિતી આપતા કેન્દ્રીય પ્રધાન જાવડેકરે જણાવ્યું હતું કે, બે દિવસ પહેલા નાણા પ્રધાન નિર્મલા સિતારમને 6 લાખ 28 કરોડના પ્રોત્સાહન પેકેજની જાહેરાત કરવામાં આવી હતી. આ પેકેજને પણ આજે મંજૂરી આપવામાં આવી હતી. આ ઉપરાંત જાવડેકરે જણાવ્યું હતું કે, નવેમ્બર સુધી 80 કરોડ લોકોને મફતમાં અનાજ આપવામાં આવશે.

આ માટે કેબિનેટ દ્વારા 93000 કરોડ રૂપિયા મંજૂર કરવામાં આવ્યા છે. કેન્દ્રીય પ્રધાન રવિશંકર પ્રસાદે જણાવ્યું હતું કે, સરકાર દ્વારા દરેક ગામ સુધી ઇન્ટરનેટ પહોંચાડવાનો નિર્ણય લેવામાં આવ્યો છે. કેન્દ્રીય કેબિનેટે ભારત નેટ પ્રોજેક્ટ માટે 19 હજાર કરોડ રૂપિયાની મંજૂરી આપવામાં આવી છે. આ માટે દરેક ગામ સુધી બ્રોડબેન્ડ સિસ્ટમ પહોચાડવામાં આવશે.

આ ઉપરાંત દેશના 16 રાજ્યોમાં ભારત નેટને પીપીપી મોડેલ(૩૦ વર્ષનું એગ્રીમેન્ટ)ને મંજૂરી આપવામાં આવી છે. કુલ પ્રોજેકટ 29 હજાર કરોડ રૂપિયાનો છે જેમાં ભારત સરકારનો હિસ્સો 19 હજાર કરોડ રૂપિયાનો છે. આ માટે 3 લાખથી વધુ ગામોને બ્રોડબેન્ડથી જોડવામાં આવશે. વીજળી સેક્ટરમાં સુધારણા માટે મહત્ત્વપૂર્ણ નિર્ણય લેવામાં આવ્યો હોવાનું સામે આવ્યું છે.