April 19, 2024
ભારતીય વાયુસેનાનું Mi-17 હેલિકોપ્ટર બુધવારે તમિલનાડુ(Tamil Nadu)ના નીલગિરિસ જિલ્લાના કુન્નૂર(Coonoor) વિસ્તારમાં ક્રેશ થયું હતું, જેમાં તેના પહેલા ચીફ ઑફ ડિફેન્સ સ્ટાફ જનરલ બિપિન રાવત(Bipin Rawat) અને તેમની પત્ની મધુલિકા રાવત(Madhulika Rawat)નું નિધન થયું છે. અન્ય 11 સૈનિકોના પણ નિધન થયા છે. હવે જનરલ બિપિન રાવતના હેલિકોપ્ટર ક્રેશ(Helicopter crash video) થયા પહેલાનો વીડિયો સામે આવ્યો છે, જેને સ્થાનિક લોકોએ બનાવ્યો છે.
બિપિન રાવતના હેલિકોપ્ટરનો વિડીયો હોવાનો દાવો:
વીડિયોમાં જનરલ બિપિન રાવતનું હેલિકોપ્ટર અકસ્માત પહેલા ધુમ્મસમાં જતું જોવા મળે છે. આ સાથે વીડિયોમાં લોકોને પૂછવામાં આવ્યું કે ‘શું થયું, ક્રેશ થયું?’ કહેતા પણ સાંભળવા મળે છે. વીડિયો અંગે દાવો કરવામાં આવી રહ્યો છે કે તે જનરલ બિપિન રાવતના હેલિકોપ્ટરનો વીડિયો છે, જોકે ત્રિશુલ ન્યુઝ આ વિડીયોની પુષ્ટિ કરતું નથી.
જનરલ રાવત 2015માં પણ અકસ્માતનો ભોગ બન્યા હતા:
બહુ ઓછા લોકો જાણે છે કે વર્ષ 2015માં પણ જનરલ બિપિન રાવત આવા જ અકસ્માતનો ભોગ બન્યા હતા. તે સમયે તેઓ નાગાલેન્ડમાં પોસ્ટેડ હતા અને એક ઓપરેશન દરમિયાન તેમનું હેલિકોપ્ટર ક્રેશ થયું હતું. આ હેલિકોપ્ટરનું નામ ચિત્તા છે અને તે એકદમ આધુનિક પણ માનવામાં આવે છે. આ દુર્ઘટના પછી ઘણા લોકોએ વિચાર્યું હતું કે જનરલ બિપિન રાવત આમાં સુરક્ષિત નહીં રહે, પરંતુ રેસ્ક્યુ ઓપરેશન બાદ આ અકસ્માતમાં તેઓ આસાનીથી બચી ગયા હોવાની માહિતી મળી હતી.
Trending News
10 ડિસેમ્બરે અંતિમ સંસ્કાર કરવામાં આવશે:
ભારતના પ્રથમ ચીફ ઑફ ડિફેન્સ સ્ટાફ જનરલ બિપિન રાવત અને તેમની પત્ની મધુલિકા રાવતના પાર્થિવ અવશેષો આજે (9 ડિસેમ્બર) લશ્કરી વિમાન દ્વારા દિલ્હી પહોંચશે અને જનરલ રાવતના પાર્થિવ દેહને લોકોના દર્શન માટે તેમના નિવાસસ્થાને રાખવામાં આવશે. આવતીકાલે સવારે 11 થી 2 વાગ્યા સુધી લોકો અંતિમ સલામી આપી શકશે. જનરલ રાવત અને તેમની પત્નીના કાલે દિલ્હીમાં અંતિમ સંસ્કાર કરવામાં આવશે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
