મહારાષ્ટ્રમાં ભાજપનું ‘બ્રહ્માસ્ત્ર’ તૈયાર,અગાઉ પણ આ રાજ્યમાં સત્તા પલટો કરી ચુક્યું છે ભાજપ

મહારાષ્ટ્રમાં સરકાર રચવા માટે ભાજપને બહુમત સિદ્ધ કરવા પૂર્વે ‘ઓપરેશન લોટસ’ શરૂકરવાની માહિતી મળી છે. એમાં જવાબદારી પક્ષપલ્ટો કરીને આવેલા વિધાનસભ્યોને સોંપવામાં આવી છે. એવી રાજકીય વર્તુળોમાં ચર્ચા છે. ભાજપે કર્ણાટકમાં ‘ઓપરેશન લોટસ’ હાથ ધરીને ત્યાં કમળ ખિલાવ્યું હતું. તે પદ્ધતિથી હવે મહારાષ્ટ્રમાં તૈયારી શરૂ કરી છે.મહારાષ્ટ્રમાં ઓપરેશન લોટસની જવાબદારી આયાત કરેલા કોંગ્રેસ અને એનસીપીથી પક્ષપલ્ટો કરીને આવેલા વિધાન સભ્યોને સોંપી છે. આમાં ગણેશ નાઇક, નારાયણ રાણે, રાધાકૃષ્ણ પાટીલ અને બબનરાવ પાચપુતેને જવાબદારી સોંપી છે.

ભાજપે કર્ણાટક ‘ઓપરેશન લોટસ’ હાથ ધર્યું હતું અને સત્તા સ્થાપના કરી હતી. કર્ણાટકમાં ભાજપમાં સૌથી મોટો પક્ષ હતો, પણ કોંગ્રેસે અને જેડીએસએ સરકાર રચી હતી. નારાજ થયેલા ૧૭ વિધાનસભ્યો ભાજપમાં જોડાયા અને ત્યાં સરકારને પાડીને સૂત્ર હાથ ધર્યું હતું. કર્ણાટકના બળવાખોર વિધાનસભ્યોને મુંબઈની રેનિસાન્સ (જે હાલમાં એનસીપી વિધાનસભ્ય છે.) હોટેલમાં રાખ્યા હતા. કોંગ્રેસ જેડીએસ સરકાર બહુમત સિદ્ધ કરી શકી નહીં, કારણ કે ૧૭ ધારાસભ્યો ગેરહાજર રહ્યા હતા.