જાણો એવું તો શું થયું કે, 100 થી વધુ એન્કાઉન્ટર કરી ચૂકેલ ઇંસ્પેક્ટર પ્રદીપ શર્માની થઇ ધરપકડ

મુંબઈમાં એન્ટિલિયા કેસની તપાસ કરી રહેલા એનઆઈએએ પૂર્વ એન્કાઉન્ટર નિષ્ણાત પ્રદીપ શર્માને ગિરફ્તાર કર્યા છે. એનઆઈએની ટીમ પ્રદીપ શર્માના ઘરે હાજર છે અને પૂછપરછ કરવામાં આવી રહી છે. એનઆઈએની ટીમ સીઆરપીએફ સાથે પ્રદીપ શર્માના ઘરે પહોંચી હતી.

કહેવામાં આવી રહ્યું છે કે, પ્રદીપ શર્મા લાંબા સમયથી એનઆઈએના રડાર પર હતો. પરંતુ આ કેસમાં એનઆઈએ પાસે પ્રદીપ શર્મા વિરુદ્ધ મજબૂત પુરાવા નહોતા. પ્રદીપ શર્માનું ઘર મુંબઇના અંધેરીમાં જેપી નગર વિસ્તારના ભગવાન ભવન બિલ્ડિંગમાં છે. તે આ બિલ્ડિંગના છઠ્ઠા માળે રહે છે. પ્રદીપ શર્મા શિવસેનાની ટિકિટ પર પણ ચૂંટણી લડી ચૂક્યા છે.

સૂત્રોના જણાવ્યા અનુસાર, તાજેતરમાં પકડાયેલા બે આરોપી સંતોષ આત્મરામ શેલાર અને આનંદ પાંડુરંગ જાધવની જગ્યાએ એનઆઈએ પ્રદીપ શર્માની પૂછપરછ કરી રહી છે. બંને આરોપીઓને 11 જૂને એનઆઈએ ધરપકડ કરી હતી. કહેવામાં આવી રહ્યું છે કે, આ બંને આરોપીઓએ હત્યાના કેસમાં મહત્વની ભૂમિકા નિભાવી છે. આ આરોપીઓ મુંબઈના કુરાર ગામ મલાડના રહેવાસી છે. એન્ટિલિયા વિસ્ફોટક કેસમાં અત્યાર સુધીમાં સાત લોકોની ધરપકડ કરવામાં આવી છે.

સૂત્રો એમ પણ કહે છે કે, ધરપકડ કરાયેલા આરોપીઓમાં સંતોષ શેલાર ભૂતપૂર્વ એન્કાઉન્ટર નિષ્ણાત પ્રદીપ શર્માની નજીકનો છે. એનઆઈએ હવે એ દિશામાં તપાસ કરી રહી છે કે, શું શર્મા હત્યા અંગે જાણે છે. સંતોષ શેલારની કેટલીક તસવીરો સોશિયલ મીડિયામાં વાયરલ થઈ રહી છે, જેમાં તે શર્મા સાથે જોવા મળી રહ્યો છે.