અંતે રાખડીના સંબંધોની થઇ જીત: બહેનને બચાવવા ભાઈએ હડકાયા કુતરા સામે બાથભીડી

કૂતરા માણસોના સારા મિત્રો હોવા છતાં ક્યારેક હડકાયા કૂતરા(Rabid dogs) નાના બાળકો પર હુમલો કરે છે. ત્યારે હાલના દિવસોમાં સોશિયલ મીડિયા પર એક વીડિયો વાયરલ(Video viral) થઈ રહ્યો છે. આ વીડિયોમાં ભાઈ-બહેન(Brother and sister) રાતના અંધારામાં ક્યાંક જઈ રહ્યા છે, ત્યારે શેરીમાં રખડતા કેટલાક કૂતરાઓ તેમના પર હુમલો કરે છે. આ પછી, ભાઈ શું કરે છે તે જોઈને તમે ભાવુક થઇ જશો

સોશિયલ મીડિયા પર આ વીડિયો સામે આવ્યા બાદ લોકો તેને વધુને વધુ જોઈ રહ્યા છે અને શેર કરી રહ્યા છે. આ વીડિયો ઇન્ટરનેટ પર ચર્ચાનો વિષય બન્યો છે. વીડિયોમાં તમે જોઈ શકો છો કે રાત્રે બે નાના ભાઈ-બહેન એક શેરીમાંથી પસાર થઈ રહ્યાં છે. આ ગલીમાં ઘણા રખડતા કૂતરા છે, જેઓ પોતાના ભાઈ-બહેનને એકલા જોઈને તેમના પર ભસવા લાગે છે. આ દરમિયાન બહેન ડરના કારણે ભાગી જાય છે, પરંતુ બહેનને બચાવવા માટે ભાઈ જે કામ કરે છે તેના કારણે કુતરાઓ ડરીને ભાગી જાય છે.

When you’re cornered, the only option is to be brave.pic.twitter.com/3m7PUVEtUF

— Figen (@TheFigen) June 1, 2022

વીડિયોમાં જોઈ શકાય છે કે, જ્યારે ભાઈ-બહેન ક્યાંક જઈ રહ્યા છે ત્યારે ત્રણ-ચાર કૂતરાઓનું ટોળું તેમને ઘેરી લે છે અને તેમના પર ભસવા લાગે છે. આ કારણે બહેન ત્યાંથી ભાગી જાય છે, પરંતુ ભાઈ ઊભો રહે છે. જો ભાઈ પણ ભાગવા લાગ્યો, તો કદાચ કૂતરાઓ વધુ આક્રમક થઈ જાત અને કરડવા માટે પાછળ દોડવા લાગે. એટલા માટે ભાઈ ત્યાં પુરી બહાદુરી બતાવીને ઉભો રહે છે. જો કે તે કૂતરાઓ વચ્ચે ફસાઈ ગયો છે, પરંતુ તેના જીવની પરવા કર્યા વિના, તે તેની બહેન વિશે વિચારે છે.