નશામાં ધુત BJP નેતાનું ગુંડારાજ: નિવૃત જવાનની દુકાનમાં ઘુસી તોડફોડ કરી માર્યો ઢોર માર- શું કાર્યવાહી થશે?

યુપી (UP)ના નોઈડા (Noida)માં બીજેપી(BJP) નેતા શ્રીકાંત ત્યાગી(Srikanth Tyagi) દ્વારા એક મહિલા સાથે દુષ્કર્મ(misdemeanor) બાદ, એમપી (MP)ના રીવા (Reeva)માં પણ બીજેપી નેતાની ગુંડાગીરી જોવા મળી છે. અહીં સત્તાના કારણે ભાજપના એક નેતાએ એક નિવૃત્ત સૈનિકને મારપીટ કરી હતી. ભાજપના નેતાનું આ કૃત્ય સીસીટીવી કેમેરામાં કેદ થયું હતું. તેનો વીડિયો હાલ સોશિયલ મીડિયા પર વાયરલ થઈ રહ્યો છે.

મધ્યપ્રદેશ : ભાજપના શહેર પ્રમુખ ઋતુરાજ ચતુર્વેદીએ સલૂનમાં ઘૂસીને મારપીટ કરી, વીડિયો થયો વાયરલ pic.twitter.com/DemXwrwaRC

— Trishul News (@TrishulNews) August 9, 2022

આ મામલો શહેરના અમિયા પોલીસ સ્ટેશન વિસ્તારમાં સ્થિત બાર્બર શોપ સલૂનનો છે. સલૂનનું સંચાલન નિવૃત્ત સૈનિક દિનેશ કુમાર મિશ્રા કરે છે. તેમણે જણાવ્યું કે, રવિવારે સાંજે બીજેવાયએમના શહેર પ્રમુખ ઋતુરાજ ચતુર્વેદી અન્ય બે બદમાશો સાથે સલૂનમાં ઘૂસી ગયા અને માર મારવા લાગ્યા.

ભાજપના નેતા ઋતુરાજ ચતુર્વેદી સાથે સ્થાનિક બદમાશો અનુરાગ મિશ્રા, અમન ચતુર્વેદી હાજર હતા. તેણે નિવૃત્ત સૈનિકને માત્ર માર જ માર્યો નહીં, પરંતુ સલૂનની ​​તમામ વસ્તુઓ પણ તોડી નાખી. જેના કારણે તેમને 50-60 હજાર રૂપિયાનું નુકસાન પણ થયું હતું. પીડિત પક્ષે અમિયા પોલીસ સ્ટેશનમાં ફરિયાદ નોંધાવી છે. પોલીસે આરોપીઓ વિરુદ્ધ આઈપીસીની કલમ 452, 254, 323 હેઠળ કેસ નોંધ્યો છે.