‘વર્મી કમ્પોસ્ટ’ બિઝનેસથી ઘરેબેઠા થઇ રહી છે લાખોની કમાણી- માથાકુટ વગરનો ધંધો કરવો હોય તો વાંચી લો…

એગ્રી બિઝનેસ(Business)નું ચલણ ઝડપથી વધી રહ્યું છે. ખાસ કરીને કોરોના પછી, લોકો કૃષિ સંબંધિત વ્યવસાયમાં ઝડપથી આવી રહ્યા છે. જો તમે તમારું પોતાનું કોઈ કામ કરવાનું વિચારી રહ્યા છો, તો તમે આ વ્યવસાયમાં તમારો હાથ અજમાવી શકો છો. તેની માંગ પણ વર્ષોવર્ષ રહે છે. આ ઉત્પાદનની માંગ ખેડૂતોમાં સૌથી વધુ છે. આજે અમે તમને વર્મી કમ્પોસ્ટ એટલે કે અળસિયાના ખાતર વિશે જણાવી રહ્યા છીએ. ગાયના છાણને વર્મી કમ્પોસ્ટમાં રૂપાંતરિત કરીને, તમે તમારી આવક વધારી શકો છો અને તમે ઘરે બેઠાબેઠા આરામથી મહિને લાખો રૂપિયા કમાઈ શકો છો.

અળસિયું ખાતર એટલે કે વર્મી ખાતર: 
જો અળસિયાને ગાયના છાણના રૂપમાં ખોરાક આપવામાં આવે તો તેને ખાધા પછી, વિઘટનથી બનેલા નવા ઉત્પાદનને અળસિયાનું ખાતર એટલે કે વર્મી કમ્પોસ્ટ કહેવામાં આવે છે. ગાયના છાણને વર્મી કમ્પોસ્ટમાં ફેરવ્યા પછી, તેમાંથી ગંધ આવતી નથી. તેનથી માખી અને મચ્છરો પણ દુર ભાગે છે. તેનાથી પર્યાવરણ પણ શુદ્ધ રહે છે. તેમાં 2-3 ટકા નાઇટ્રોજન, 1.5 થી 2 ટકા સલ્ફર અને 1.5 થી 2 ટકા પોટાશ હોય છે. તેથી જ અળસિયાને ખેડૂતોનો મિત્ર કહેવામાં આવે છે.

કોઈ ખાસ રક્ષણની જરૂર નથી: 
અળસિયા ખાતરનો વ્યવસાય તમારા ઘરના ખેતરના ખાલી ભાગોમાં સરળતાથી શરૂ કરી શકાય છે. તેમજ કોઈપણ પ્રકારનો શેડ વગેરે બનાવવાની જરૂર નથી. તમે ખેતરની આસપાસ જાળીના વર્તુળો બનાવીને તેને પ્રાણીઓથી બચાવી શકો છો. કોઈ ખાસ રક્ષણની જરૂર નથી.

ખાતર એક મહિનામાં તૈયાર થાય છે: 
ટ્રીપોલીન માર્કેટમાંથી લાંબુ અને ટકાઉ પોલીથીન ખરીદો, પછી તેને તમારા સ્થાન અનુસાર 1.5 થી 2 મીટર પહોળાઈ અને લંબાઈમાં કાપો. તમારી જમીનને સમતળ કરો, ત્યારબાદ તેના પર ટ્રિપોલીન નાખીને છાણ ફેલાવો. ગાયના છાણની ઊંચાઈ 1 થી 1.5 ફૂટની વચ્ચે રાખો. હવે એ છાણની અંદર અળસિયા મૂકો. 20 બેડ માટે લગભગ 100 કિલો અળસિયાની જરૂર પડશે. લગભગ એક મહિનામાં ખાતર તૈયાર થઈ જશે.