દુષ્કર્મ બાદ મોત મામલે મોડાસાની યુવતીને ન્યાયની માંગ સાથે દલિત સમાજની કેન્ડલ માર્ચ યોજાઈ

સુરતમાં મોડાસાના સાયરામાં યુવતીના શંકાસ્પદ મોતના મામલે લોકોમાં આક્રોશ જોવા મળી રહ્યો છે. ત્યારે ગુજરાતભરમાં ન્યાય માટે માંગ કરવામાં આવી રહી છે. દરમિયાન ગત રાત્રે સુરતમાં સુરતમાં સમતા સૈનિક દળ અને અનુસૂચિત જાતિ ના યુવા યુવતીઓએ કેન્ડલ માર્ચ કરી પીડિતાને ન્યાય અપાવવા માર્ચ કાઢવામાં આવી હતી અને આરોપીઓને ઝડપથી પકડી ન્યાયની માંગ કરવામાં આવી હતી.

આ ઘટનામાં મોડાસાના સાયરા(અમરાપુર)ની 31 ડિસેમ્બરથી પાંચ દિવસથી ગુમ થયેલી યુવતીની લાશ ઝાડ પર લટકતી હાલતમાં 5 જાન્યુઆરીએ લાશ મળી આવી હતી. ત્યારબાદ ત્રણ દિવસે લાશ સ્વીકારી અંતિમસંસ્કાર કરવામાં આવ્યા હતા. યુવતીના મોતના પગલે સમાજ અને ગુજરાતભરમાં આક્રોશ જોવા મળી રહ્યો છે અને ન્યાયની માંગ કરવામાં આવી રહી છે.

સુરતમાં કતારગામ ખાતે સમતા સૈનિક દળ અને સ્થાનિકો દ્વારા યુવતીને ન્યાયની માંગ સાથે કેન્ડલ માર્ચ કાઢવામાં આવી હતી. જેમાં મોટી સંખ્યામાં લોકો જોડાયા હતા. લોકોએ ગુનેગારો જલ્દી પકડવાની માંગ કરી નહી તો આગામી સમયમાં ગુજરાતભરમાં ઉગ્ર આંદોલન કરવામાં આવશે.