સુરતનાં સરથાણા વિસ્તારમાં કારની બેટરીમાં શોર્ટ સર્કિટ થવાંથી અચાનક જ ભભૂકી ઉઠી ભીષણ આગ

માર્ગ અકસ્માતની ઘટનાઓમાં સતત વધારો થઈ રહ્યો છે. આની સાથે-સાથે રાજ્યમાં આપઘાતની ઘટનામાં તથા હત્યાની ઘટનાઓમાં સતત વધારો થઈ રહ્યો છે. સુઉર્ત શહેરમાંથી અવારનવાર કોઈને કોઈ ઘટના સામે આવતી હોય છે ત્યારે હાલમાં પણ આવી જ એક ઘટનાને લઈ સમાચાર સામે આવ્યા છે.

સરથાણા નવજીવન સર્કલ પાસે રાત્રે એક કારમાં બેટરીમાં શોર્ટ સર્કિટ પછી આગ લાગતા આખી કાર સળગીને ખાખ થઈ ગઈ હતી. જો કે, આ દુર્ઘટનામાં કોઈ જાનહાનિ સર્જાઈ ન હતી. કારચાલક સમયસર બહાર નીકળી જતા આબાદ રીતે બચાવ થયો હતો. ઘટનાની જાણ થયા પછી ફાયરના જવાનોએ તાત્કાલિક પહોંચીને બર્નિંગ કાર પર પાણીનો મારો ચલાવીને આગને કાબૂમાં લઈ લેવામાં આવી હતી.

લોકોની ભીડ એકત્ર થઈ ગઈ હતી :
ફાયર વિભાગ દ્વારા જણાવવામાં આવ્યું હતું કે, અંદાજે 11:30 વાગ્યે કોલ આવ્યો હતો. ઘટનાસ્થળ પર પહોંચ્યા પછી કાર ભડભડ સળગતી હતી. લોકોની ભીડની વચ્ચે બર્નિંગ કાર પર પાણીનો મારો ચલાવીને આગ પર કાબૂ મેળવી લેવામાં આવ્યો. તપાસ કરતા જાણ થઈ કે, કારનો નંબર GJ-05-JP-4989 હતો.