પોલીસ ઇન્સ્પેકટરે દારૂના નશામાં ઘૂત થઈને મહિલા પર ચડાવી દીધી કાર- જુઓ LIVE વિડીયો

દેશની રાજધાની દિલ્હીમાં એક પોલીસ કર્મચારીએ વૃદ્ધ મહિલાને કાર વડે ટક્કર મારી હતી અને ભાગવાનો પ્રયાસ કર્યો હોવાનો એક કિસ્સો સામે આવ્યો છે. આ સમગ્ર ઘટના સીસીટીવી કેમેરામાં કેદ થઈ ગઈ છે. શુક્રવારે સાંજે દિલ્હીના ચિલ્લા ગામ નજીક માર્ગ અકસ્માત થતાં સમગ્ર વિસ્તારમાં સનસનાટી મચી ગઈ હતી. દારૂના નશામાં પોલીસકર્મી સબ ઈન્સ્પેક્ટરએ પહેલા મહિલાને તેની કાર સાથે અથડાવી અને ત્યારબાદ નિર્દયતાથી તેને કચડી નાખી અને આગળ નીકળી ગયો.

તપાસ બાદ પોલીસે જણાવ્યું હતું કે, આરોપીની ઓળખ સબ ઈન્સ્પેક્ટર તરીકે થઈ છે અને તે બનાવ દરમિયાન તે સંપૂર્ણ નશોમાં હતો. પોલીસે જણાવ્યું કે, આરોપીની ધરપકડ કરવામાં આવી છે અને ઈજાગ્રસ્ત મહિલાને સારવાર માટે હોસ્પિટલમાં દાખલ કરવામાં આવી છે.

આ ઘટનાનો વીડિયો સોશ્યલ મીડિયા પર પણ વાયરલ થઈ રહ્યો છે. આ હ્રદયસ્પર્શી વીડિયોમાં સ્પષ્ટ દેખાઈ રહ્યું છે કે, આરોપીએ સફેદ રંગની કાર દ્વારા પહેલા મહિલાને જોરદાર ટક્કર મારી હતી, જેના કારણે તે થોડે દૂર રસ્તા પર પડી હતી. આ જોઈને નજીકના લોકો તાત્કાલિક ઘટના સ્થળે પહોંચી ગયા હતા અને તેને ઉભો રાખવાનો પ્રયાસ કર્યો હતો. ડ્રાઇવર સ્થળ પરથી ભાગી છૂટવાના પ્રયાસમાં મહિલાને કારને કારની નીચે કચડી નાખી હતી.