ખેડૂતો માટે મોટા સમાચાર: મોદી સરકાર આ મહિને દરેકના ખાતામાં ટ્રાન્સફર કરશે 4000 રૂપિયા, જાણો કેવી રીતે મળશે લાભ?

કેન્દ્ર સરકાર આ મહિનામાં ખેડૂતોના ખાતામાં 4000 રૂપિયા ટ્રાન્સફર કરી શકે છે. પ્રધાનમંત્રી કિસાન સન્માન નિધિ યોજના હેઠળ ખેડૂતોને 4000 રૂપિયા મેળવવાની સારી તક છે. સરકારે હાલમાં જ ખેડુતોના ખાતામાં 2000 રૂપિયાની આઠમી હપ્તા ટ્રાન્સફર કરી છે. જો તમે પણ આ પૈસા મેળવવા માંગતા હોવ તો તરત જ પોતાનું રજીસ્ટ્રેશન કરો. કિસાન સન્માન નિધિ યોજના હેઠળ અત્યાર સુધીમાં 9 કરોડથી વધુ ખેડૂતો નોંધાયા છે.

તમને જણાવી દઈએ કે તમે PM કિસાન યોજનાની ઓફીશીયલ વેબસાઇટ pmkisan.gov.inની મુલાકાત લઈને ફોર્મ ભરી શકો છો. નોંધણી પછી, આ નાણાં સરકાર દ્વારા તમારા ખાતામાં ટ્રાન્સફર કરવામાં આવશે.

ઘણા એવા પણ ખેડૂતો છે કે, જેમને 2000 રૂપિયા આ રકમ મળી નથી, કારણ કે તેઓએ આ યોજનામાં રજીસ્ટ્રેશન કરાવ્યું ન હતું. આવી સ્થિતિમાં હવે 30 જૂન સુધી ખેડુતો પોતાની રજીસ્ટ્રેશન કરાવી શકશે. જો આ મંજૂરી મળી ગઈ તો એપ્રિલ-જુલાઇનો હપતો જુલાઈમાં મળશે અને ઓગસ્ટની નવા હપતા પણ ખાતામાં આવશે. એટલે કે, તમને બે હપ્તાનો લાભ મળી શકે છે.

કેવી રીતે રજીસ્ટ્રેશન કરવું:
1. તમારે પહેલા pmkisan.gov.in વેબસાઇટ પર જવું પડશે.
2. ફર્મર્સ કોર્નર વિકલ્પ ક્લિક કરવો પડશે.
3. હવે તમારે ન્યુ ફાર્મર રજિસ્ટ્રેશન વિકલ્પ પર ક્લિક કરવું.
4. એક નવું ટેબ ખુલશે જેમાં આધાર નંબર અને કેપ્ચર કોડ દાખલ કરવો પડશે.
5. હવે તમારે તમારી વિગતો અને જમીનની વિગતો આપવી પડશે.
6. બધી માહિતી ભર્યા પછી સબમિટ બટન પર ક્લિક કરો.