Shubman Gill: શુભમન, શુભમન… થી ગુંજી ઉઠ્યું નરેન્દ્ર મોદી સ્ટેડીયમ- ફટકારી શાનદાર સેન્ચુરી

Published on Trishul News at 3:05 PM, Sat, 11 March 2023

Last modified on March 11th, 2023 at 3:05 PM

IND vs AUS 4TH TEST, Ahmedabad LIVE: અમદાવાદમાં ચાલી રહેલી બોર્ડર-ગાવસ્કર ટ્રોફીની ચોથી અને છેલ્લી ટેસ્ટ મેચમાં ઓસ્ટ્રેલિયા મજબૂત સ્થિતિમાં છે. પ્રથમ દાવમાં મુલાકાતી ટીમે 480 રન બનાવ્યા હતા, જેના જવાબમાં હવે ટીમ ઈન્ડિયાની પ્રથમ ઈનિંગ ચાલી રહી છે. શુભમન ગિલે (Shubman Gill) ભારત તરફથી આગેવાની લીધી છે અને આ શ્રેણીમાં તેની પ્રથમ ટેસ્ટ સદી ફટકારી છે.

Shubman Gill એ અમદાવાદ ટેસ્ટના ત્રીજા દિવસે પોતાની સદી પૂરી કરી, આ તેની ટેસ્ટ કારકિર્દીની બીજી સદી છે. ઈન્દોર ટેસ્ટ હાર્યા બાદ અમદાવાદ ટેસ્ટમાં પણ ટીમ ઈન્ડિયા મુશ્કેલીમાં મુકાઈ ગઈ હતી, આવી સ્થિતિમાં શુભમન ગિલ ભારત માટે તારણહાર બન્યો અને ટીમનું સંચાલન કર્યું.

અમદાવાદમાં Shubman Gill નો ધમાકો
વર્લ્ડ ટેસ્ટ ચેમ્પિયનશિપની ફાઇનલમાં પહોંચવા માટે ટીમ ઇન્ડિયાને અમદાવાદ ટેસ્ટ જીતવી જરૂરી છે. આવી સ્થિતિમાં હવે કોઈ ચમત્કાર જ ટીમ ઈન્ડિયાને બચાવી શકે છે, ઓસ્ટ્રેલિયાએ પહાડ જેવો સ્કોર કર્યો અને ભારતે પણ વળતો હુમલો કર્યો. ટીમ ઈન્ડિયા તરફથી શુભમન ગિલે સદી ફટકારી, તેણે 194 બોલમાં પોતાની સદી પૂરી કરી. આ દરમિયાન તેના બેટમાંથી 10 ચોગ્ગા અને 1 છગ્ગા નીકળ્યા હતા.

ભારત તરફથી આ સિરીઝની આ માત્ર બીજી સદી છે, આ પહેલા શુભમન ગિલ, રોહિત શર્માએ નાગપુર ટેસ્ટમાં સદી ફટકારી હતી. એટલે કે આ સિરીઝમાં ભારત તરફથી બે સદી ફટકારવામાં આવી છે અને બંને ઓપનરોએ ફટકારી છે.

Shubman Gill ની ટેસ્ટ સદી
• 110 વિ બાંગ્લાદેશ, 2022
• 103* વિરુદ્ધ ઑસ્ટ્રેલિયા, 2023 (ઈનિંગ્સ ચાલુ)

બોર્ડર-ગાવસ્કર ટ્રોફી 2023માં સદી
• ઉસ્માન ખ્વાજા- 180, અમદાવાદ
• રોહિત શર્મા – 120, નાગપુર
• કેમેરોન ગ્રીન- 114, અમદાવાદ
•શુભમન ગિલ – 117*, અમદાવાદ

કેએલ રાહુલની મુશ્કેલીઓ વધારશે Shubman Gill?
23 વર્ષીય શુભમન ગીલે ઓછા સમયમાં પોતાની ઓળખ બનાવી છે, ઓપનર તરીકે તેણે છેલ્લા એક વર્ષમાં પ્રભુત્વ જમાવ્યું છે અને તેના બેટથી ઘણી સદીઓ ફટકારી છે. અદ્ભુત વાત એ છે કે શુભમન ગીલે ત્રણેય ફોર્મેટમાં સદી ફટકારી છે, જેમાં વનડે ક્રિકેટમાં બેવડી સદીનો સમાવેશ થાય છે. આ જ કારણ છે કે હવે તે કેએલ રાહુલ માટે ટેન્શન વધારી રહ્યો છે.

પ્રથમ ODI, T20માં શુભમન ગિલને ઓપનિંગમાં રાખવામાં આવ્યો હતો અને KL રાહુલને મિડલ ઓર્ડરમાં ખસેડવામાં આવ્યો હતો. હવે ટેસ્ટ ક્રિકેટમાં ખરાબ ફોર્મમાંથી પસાર થઈ રહેલા કેએલ રાહુલને ટીમમાંથી બહાર કરી દેવામાં આવ્યો છે અને શુભમન ગિલને પ્લેઈંગ-11માં લાવવામાં આવ્યો છે. જેનું પરિણામ અમદાવાદ ટેસ્ટ મેચમાં સામે આવ્યું છે.

નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરો. 

About the Author

Mayur Lakhani
Mayur Lakhani is Editor and Journalist at Trishul News.

Be the first to comment on "Shubman Gill: શુભમન, શુભમન… થી ગુંજી ઉઠ્યું નરેન્દ્ર મોદી સ્ટેડીયમ- ફટકારી શાનદાર સેન્ચુરી"

Leave a comment

Your email address will not be published.


*