માત્ર દોઢ વર્ષીય બાળકી પર નિર્દયી માતાએ ગરમ પાણી નાંખતા નીપજ્યું મોત -જાણો ક્યાંની છે આ દર્દનાક ઘટના 

હાલમાં એક એવી ઘટના સામે આવી રહી છે કે, જેને જાણીને તમારું હ્રદય કંપી ઉઠશે. ડ્રગનું સેવન કરનારી લંડનની એક નિર્દયી મહિલાએ પોતાની દોઢ વર્ષીય બાળકી પર ગરમ પાણી નાખી દીધું હતું. બાળકી પર ગરમ પાણી પડતાં 1 કલાક સુધી તડપ્યા પછી તેનું મોત નીપજ્યું હતું.

આ બાબતે નિર્દયી મહિલાને આજીવન જેલની સજા ફટકારવામાં આવી છે. 26 વર્ષની કેટી ક્રાઉચરે પોતાના ઘરમાં માસૂમ દીકરી ગ્રેસી પર ગરમ પાણી નાખીને પોતે સાફ-સફાઈમાં લાગી ગઈ હતી. મહિલા પર ચાલેલા કેસના ટ્રાયલ વખતે ફરિયાદીએ જણાવ્યું હતું કે, તે સ્વભાવિક મૃત્યુ ન હતું.

બાળકીને મરવા માટે 1 કલાક સૂધી એ જ સ્થિતિમાં છોડી દેવામાં આવી હતી. આ કેસની સુનાવણી કરનાર જજ જેરેમી બેકરે જણાવ્યું કે, આ ઘટના ખૂબ જ દૂ:ખદ તેમજ ચોંકાવનાર છે. જજે જણાવ્યું હતું કે, મેડિકલ રિપોર્ટથી સ્પષ્ટ જાણ થાય છે કે, બાળકીનું તાત્કાલિક મોત થયું નથી.

બાળકીએ 1 કલાક સુધી પીડા સહન કર્યાં બાદ એનું મોત થયું હતું. ઇજાને લીધે બાળકીની રક્ત વાહિકાઓ તરલ પદાર્થથી ખત્મ થઈ ગઈ હતી. જેને લીધે બાળકીના અંગોએ કામ કરવાનું બંધ કરી દીધું હતું તેમજ છેવટે તેનું મોત નીપજ્યું હતું.