બીલ ન ભરતા સુરતની આ ખાનગી હોસ્પિટલે મૃતદેહ રસ્તા પર રઝળતો છોડી દીધો- જુઓ CCTV ફૂટેજ

કોરોના સુરત સહિત ગુજરાતના મોટાભાગના મહાનગરોમાં તાંડવ કરી રહ્યો છે, દરરોજ મોતનો આંકડો વધી રહ્યો છે. આ મોતના આંકડાની સાથે સાથે હોસ્પિટલોની બેદરકારીના બનાવો પણ વધી રહ્યા છે. હાલ આવો જ એક કિસ્સો સુરત શહેર માંથી સામે આવ્યો છે. સુરતની એક ખાનગી હોસ્પીટલે એવું કૃત્ય કર્યું છે જેના કારણે માનવત મરી પરવારી છે.

સુરતના પાંડેસરા વિસ્તારમાં આવેલી પ્રિયા જનરલ હોસ્પિટલમાં બમરોલી વિસ્તારમાં રહેતા ઉડિયા સમાજના ભગવાનભાઈ નાયક 24 એપ્રિલના દિવસ તેમની તબિયત લથડતા હોસ્પિટલમાં સારવાર માટે દાખલ થયા હતાં. તેમનો ટેસ્ટ કરાવતા કોરોના પોઝિટિવ રિપોર્ટ આવ્યો હતો. ભગવાન નાયકના પરિવારે ડિપોઝિટ પેટે 20,000 રૂપિયા ચૂકવ્યા હતાં. ત્યાર બાદ સારવાર શરૂ કરવામાં આવી હતી. સારવાર દરમિયાન તેમનું મોત થયું હતું. પ્રિયા જનરલ હોસ્પિટલ દ્વારા તેમને દવાનો ખર્ચ 50000 રૂપિયા થયો હોવાથી તે ચૂકવવા માટે જણાવ્યું હતું. પરિવારના સભ્યોએ 30 એપ્રિલના દિવસે દર્દીનું મોત થતાં રૂપિયા 50 હજારની રકમ એકત્રિત કરવા માટે થોડો સમય માંગ્યો હતો.

આ ઘટના સામે આવતા લોકોમાં ભારે રોષ દેખાયો હતો અને લોકોએ હોસ્પિટલ સામે હોબાળો મચાવ્યો હતો. આ આજે ઘટના વહેલી સવારે બની હતી જ્યાં સુધી બિલ ચૂકવવામાં નહિં આવે ત્યાં સુધી મૃતદેહ તેમને આપવામાં આવશે નહીં. મોડી રાત સુધી પરિવારજનોને બિલ ન ચૂકવતા હોસ્પિટલના સંચાલકોએ મૃતદેહને હોસ્પિટલની બહાર રસ્તા ઉપર રઝળતો મૂકી દીધો હતો. સમગ્ર ઘટના CCTV કેમેરામાં કેદ થઈ હતી હોસ્પિટલના સંચાલકોએ અમાનવીય રીતે મૃતદેહ હોસ્પિટલની બહાર મૂકી દીધો હતો. સીસીટીવી કેમેરામાં સ્પષ્ટ દેખાઈ આવતું હતું કે, કોવિડ પોઝિટિવ મૃતદેહ હોવા છતાં કેવી સ્થિતિમાં તેને બહાર મુકવામાં આવ્યો હતો.