અરે બાપ રે… હવે આકાશમાંથી વરસ્યા કોરોના જેવા કરા- વિશ્વાસ ન હોય તો જુઓ વિડીયો

કોરોના વાયરસને કારણે આખી દુનિયામાં ડરનો માહોલ છે. લાખો લોકો કોરોનાથી સંક્રમિત છે. કોરોનાથી બચવા દુનિયા આખી લોકડાઉનમાં કેદ છે. દુનિયાના વૈજ્ઞાનિકો કોરોનાની રસી અને દવા શોધી રહ્યા છે. આ બધા વચ્ચે મેક્સિકોમાં એક ચોંકાવનારી ઘટના સામે આવી છે. મેક્સિકોમાં કોરોનાના આકારના બરફના કરાનો વરસાદ થયો છે. મેક્સિકોની મ્યૂનિસિપલના લોકો ત્યારે હેરાન થઈ ગયા, જ્યારે આકાશમાંથી કોરોના વાયરસના આકારના કરાનો વરસાદ થવા લાગ્યો. કોરોના જેવા આકારના બરફના કરાને જોઈ લોકોમાં ડરનો માહોલ છવાઈ ગયો હતો.

કોરોના સમાન આકારના બરફના કરાનો વરસાદ મેક્સિકોના ન્યૂવો લિયોન રાજ્યના મોંટેમોરેલોસમાં થયો છે. અહીંના લોકોએ સોશિયલ મીડિયા પર કરાની તસવીરો શેર કરી. તસવીરમાં ગોળ આકારના સાઈઝના કરા કોરોના વાયરસ જેવા દેખાતા હતા. આ પ્રકારના વરસાદથી સ્થાનીક લોકો ચિંતિત છે. લોકો આ ઘટનાને ઈશ્વરનો પ્રકોપ માની રહ્યા છે.

આ પ્રકારના કરાનો વરસાદ માત્ર મેક્સિકોમાં જ નહિ પણ દુનિયાના અનેક વિસ્તારોમાં થયો છે. સોશિયલ મીડિયા પર દુનિયાભરના અનેક વિસ્તારમાં લોકોએ કોરોના જેવા દેખાતા બરફના કરાની તસવીર શેર કરી છે. અહીં પણ આ પ્રકારે કરાનો વરસાદ થયો છે. એક ઈન્ટરનેટ યૂઝરે સાઉદી અરબમાં આ પ્રકારના વરસાદની પણ જાણકારી આપી છે.