કોરોના મહામારીને લઈ વૈજ્ઞાનિકોએ વિશ્વને આપી મહત્વની ચેતવણી- આવનારા બે અઠવાડિયામાં…

હાલમાં એક ખુબ અગત્યનાં સમાચાર સામે આવ્યા છે. અંગ્ર વિશ્વમાં કોરોના મહામારીએ હાહાકાર મચાવ્યો છે ત્યારે આની વચ્ચે અમેરિકન નિષ્ણાત દ્વારા ભવિષ્યવાણી કરવામાં આવી છે કે, આગામી 2 સપ્તાહ સુધી વૈશ્વિક સ્તરે નિયમિત નોંધાતા કેસમાં જબરદસ્ત ઉછાળો જોવા મળશે.

આની સાથે જ વૈશ્વિક સ્તરે કોરોના મહામારીનો ખતરો પાંચમી કેટેગરીના વાવાઝોડા જેવો હશે. આગામી દિવસોમાં સંક્રમણના કેસમાં આવેલ વધારાના પરિણામરૂપે વૈશ્વિક સ્તરમાં દૈનિક નોંધાઈ રહેલ કેસમાં કોરોના મહામારીની શરૂઆત થયા પછીનો સૌથી મોટો ઊછાળો આવશે.

આ વખતે સંક્રમણ બાબતે સમગ્ર વિશ્વ ચક્રવાતી તોફાન જેવી પરિસ્થિતિનો સામનો કરી રહી છે. આગામી 2 સપ્તાહમાં કોરોના મહામારીની શરૂઆત થઈ ત્યારથી નોંધાઈ રહેલ દૈનિક કેસોમાં સૌથી મોટો ઉછાળો જોવા મળશે.”વિશ્વ સ્વાસ્થ્ય સંગઠન”ના જણાવ્યા મુજબ સૌથી વધુ કેસ ડિસેમ્બર, 2020માં જોવા મળ્યા હતા.

રસીકરણની શરૂઆત થયા પછી દૈનિક કેસમાં ઘટાડો જોવા મળ્યો હતો. જો કે, ભારત, અમેરિકા, બ્રાઝીલ, ઈટાલી, જર્મનીમાં ફરી એકવખત કોરોના સંક્રમણના કેસમાં સતત વધારો થઈ રહ્યો છે કે, જેના પરિણામે વૈશ્વિક સ્તરે ફરી એકવખત સ્વાસ્થ્ય સંકટ ઊભું થયું છે.